Тағы бір фобия . Астанада ең қолайсыз жерде тұрған ер адам видеоға түсіп қалды

Әлеуметтік желілерде Астана жағалауындағы қызықты, бірақ өте ыңғайсыз жағдай қызу талқыланып жатыр. Қала тұрғындарының бірі қоғамдық әжетхананы пайдаланбақ болған, алайда бір шикілік болған сияқты. Өйткені оның "оңашалану" сәтіне өтіп бара жатқан адамдар куә болған, - деп хабарлайды Tengri Life.

Әлеуметтік желілерде Астана жағалауындағы қызықты, бірақ өте ыңғайсыз жағдай қызу талқыланып жатыр. Қала тұрғындарының бірі қоғамдық әжетхананы пайдаланбақ болған, алайда бір шикілік болған сияқты. Өйткені оның "оңашалану" сәтіне өтіп бара жатқан адамдар куә болған, - деп хабарлайды Tengri Life.

Астана жағалауында "ақылды" шынымен жабдықталған заманауи қоғамдық әжетханалар жұмыс істейді. Технологиясы өте қарапайым: кабина бос тұрғанда ол толықтай мөлдір, ал ішіне адам кіріп, есіктің құлпын бұрағанда, іші көрінбей қалады.

Алайда қала тұрғындарының бәрі бірдей жоғары технологиялық әжетхананың қыр-сырын түсініп үлгермеген көрінеді. Жақында әлеуметтік желілерде жергілікті тұрғынның ыңғайсыз жағдайға тап болған сәті тарады: ол сыртқа көрініп тұрғанын сезбестен, әжетхананы пайдаланған.

Видео астында пікір қалдырғандар ер адамды келемеждеген жоқ. Керісінше, желі қолданушылары видео кейіпкеріне шын жүректен жанашырлық білдіріп, оны видеоға түсірген авторды айыптаған.

"Байғұс-ай, бұл күлетін нәрсе емес, тым болмаса бетін жауып қоймапты", "Түсіріп не керек? Не мақсатпен? Тіпті жүзін де жасырмаған", "Досы шығар бәлкім", "Тағы бір фобия", "Бұл қай жерде? Осындай жағдайға тап болмас үшін алдын ала біліп жүрген дұрыс", "Есігі дұрыс жабылмайды. Яғни, ақауы бар. Ал адамды мазақ қылған - әдепсіздік", - деп жазды пікір қалдырушылар.

Мән-жайды анықтау үшін Астана қаласы Сарыарқа ауданы әкімдігінің аппаратына хабарластық.

Ондағылар әжетханалардың штаттық режимде жұмыс істеп тұрғанын, ал жеке қалуды қамтамасыз ету үшін арнайы күңгірттеу механизмі қарастырылғанын хабарлады.

"Аталған әжетханалар штаттық режимде жұмыс істейді. Келушілер есікті дұрыс жаппаған немесе әдейі ашық қалдырған болуы мүмкін. Кабиналардың ішінде пайдалану нұсқаулығы ілінгенін ескертеміз. Тексеру жүргізілген видеожазбаны жолдаймыз", - деді ведомство өкілдері.

Сонымен қатар ведомство қызметкерлерінің қоғамдық әжетханаларды тексеру сәті түсірілген видеолар сериясы жіберілді.

Google News арқылы жаңалықтарымызды қадағалаңыз