Талдау мектебіне кезекті лек қабылданды

Парламент Сенатының жанындағы Талдау мектебінің бесінші легі қабылданып, дәрістер басталды. Биыл бұл жобаға 1000-нан астам үміт­керден өтінім келіп түскен. Конкурстық іріктеуден 71 қа­тысушы өтті, яғни бір орынға 14 адам үміткер болды. Сенат төрағасы Мәулен Әшімбаев жаңа кезеңнің алғаш­қы дәрісінде цифрлық техөноло­гиялар дәуіріндегі талдау жұмысының тұжырымда­ма­лық қырлары туралы айтты.

Палата спикері қатысушылар­ға ілтипат білдіріп, ел өміріндегі үдерістерді терең талдап, мемле­кет­тің дамуына елеулі үлес қосу­ды көздейтін қоғамдастықтың қалыптасуы Сенаттың бес жыл бойы түрлі саладағы сарапшылармен жүйелі өзара іс-қимылының нәтижесі екенін атап өтті. Олар заң шығару бағытында бірлесіп жұмыс істеу, өңірлік жобаларды әзірлеп, іске асыруға септігін тигізген.

Сонымен қатар М.Әшімбаев Сенат жанындағы Талдау мектебі мен Сарапшылар клубы жас маман­дардың аналитикалық қабілеті мен цифр­лық мүмкіндігін кешенді түрде жетілд­іруге, олардың бойына жасам­паз құндылықтарды сіңіруге ықпал ететінін айтты. Мұн­дай қа­дам мемлекеттік басқаруды өзгер­туге, оны одан әрі икемді, заманауи, ин­новациялық етуге мүмкіндік береді.

– Президент Қасым-Жомарт Тоқаев аналитикалық қабілеттері жоғары, тың тәсілдерді меңгерген мамандардың жаңа толқынын даярлаудың маңызды екенін үнемі айтып келеді. Қазір кез келген шешім көптеген факторды ескеруді талап етеді. Ал аналитика басқару жүйе­сіндегі стратегиялық маңыз­ды тетікке айналып отыр. Бұл ретте талдау қабілеті мен заманауи цифр­лық мүмкіндіктің үйлесімі де аса маңызды. Талдау мектебі – осы бағыттағы мақсат-міндеттерді іске асыруға қосқан біздің нақты үлесіміз, – деді М.Әшімбаев.

Сенат төрағасы «ЖИ дәуіріндегі мемлекеттік басқару және талдау» тақырыбындағы дәрісі кезінде кәсіби кейстерге тоқталып, кеңестерін бөлісті. Сондай-ақ аналитиктер­дің отандық, сондай-ақ әлемдік тәжірибесінде қолданылатын трендтер мен пайдалы тетіктерге, үлкен деректермен жұмыс істеу әдістеріне тоқталды. Палата спикері әлемде болып жатқан үдерістердің өзара байланысына, олардың зерттеу кезінде ескерілуге тиіс екеніне де ерекше мән берді.

Мектептің биылғы дәріс­тер бағдарламасы «Smart Governance: тиімді басқару қажетті деректер, аналитика және жасанды интеллект» тақырыбы аясында әзірлен­ген. Оның барысында «Урбанистика, болашақ қалалар және өңірлік даму», «Энергетика және орнықты инфрақұрылым», «Экология және климаттық саясат», «Агроөнеркәсіп және ауылдық жерлердің орнық­ты дамуы», «Инклюзивтілік және әлеуметтік саясат», «Білім және адам капиталы», «Проактивті мемлекеттік басқару» секілді 7 негізгі бағыт бойынша баяндамалар дайындалады. Әрбір топ командамен жұмыс тәсілдерін дамыта отырып, аналитикалық жобалармен жұмыс істейді. Сондай-ақ аналитикалық материалдар әзірлеу мен шешім қабылдау дағдыларын жетілдіреді.

Сонымен қатар тәлімгерлермен командалық жұмыс талдаушылар үшін кәсіби нетворкинг бағытында болмақ. Менторлардың қатарында өз салаларындағы жетекші мамандар – мемлекеттік құрылымдардың, ғылыми, халықаралық ұйымдардың өкілдері, отандық, шетелдік сарапшылар, сондай-ақ, оқыту модульдерінің әр бағыты бойынша тиісті орталық мемлекеттік органдардың басшылары бар. Олардың бәрі тәлімгерлікке волонтерлік негізде тартылады.

Соған сәйкес алғашқы күнде Ғылым және жоғары білім министрі Саясат Нұрбек, мінез-құлық ғылымдары және деректерді талдау саласының маманы, Smart-жүйелерді цифрландыру мен дамыту бағытында әлем мойындаған сарапшы, Сингапурдан келген доктор Рубен Энг, сондай-ақ, стратегиялық және дағдарыстық коммуникациялар жөніндегі сарапшы, модератор, командалық білім беру және бағдарды түсіну жөнінде стратегиялық сессия өткізген Ербол Исмаилов дәріс оқыды.

Бесінші кезеңдегі оқыту бағ­дарламасы сегіз аптаға жалғаса­ды. Соның қорытындысы бойынша аналитикалық материалдар жинағы жарық көреді. Ұсыным­дар жинақталған бұл қорытынды құ­жат Парламент депутаттарына, сон­­дай-ақ тиісті мемлекеттік орган­дар­ға алдағы қызметте назарға алу үшін жолданады.

Сарапшылардың бұған дейінгі кезеңдер мен жаңа бесінші лек кезіндегі бейне дәрістерін Талдау мектебінің ресми YouTube арнасынан көруге болады.

Соңғы жаңалықтар

Астанадағы бұқаралық шаңғы жарысына қалай қатысуға болады?

Елорда • Бүгін, 10:44

Түндегі тілсіз жау: СҚО-дағы бір ауданда екі адам өрттен қаза тапты

Төтенше жағдай • Бүгін, 10:42

Кофе неге қымбаттап барады?

Баға • Бүгін, 10:35

Теміртаудың тең жартысы жылусыз қалды

Аймақтар • Бүгін, 10:23

Жапониядағы кезектен тыс сайлау: Премьер-министр парламентті тарату туралы шешім қабылдады

Саясат • Бүгін, 10:17

Полиция дерегі: Алаяқтардың арбауына көбінде кімдер ілінеді?

Аймақтар • Бүгін, 10:04

Әлімханұлына қатысты допинг дауы: Қайта тыңдау тағайындалды

Кәсіпқой бокс • Бүгін, 10:00

Хромтауда газ жарылды: 5 адамды күйік шалды, бір адам жансақтау бөлімінде жатыр

Төтенше жағдай • Бүгін, 09:50

Болгария президенті қызметінен кететінін мәлімдеді

Саясат • Бүгін, 09:43

Жаңа салық режимі: Кәсіпкерлер нені ескеруі тиіс?

Бизнес • Бүгін, 09:34

«Манчестер Ситиде» ұзақ жылдар бойы топ деңгейдегі қорғаушы болады: Гвардиола өзбек футболшысы туралы

Футбол • Бүгін, 09:24

Термо шам

Ғалам ғажаптары • Бүгін, 09:18

Қар жауып, бұрқасын соғады: 20 қаңтарға арналған ауа райы болжамы

Ауа райы • Бүгін, 09:17

Face ID қалай пайда болды?

Ғалам ғажаптары • Бүгін, 09:15

Жарыс күнделігі

Спорт • Бүгін, 09:12

Барлық жаңалықтар