Талдықорғанда 14 жастағы қыз ашық құдыққа құлап кетті

12 жастағы қыздың айтуынша, ол әпкесімен бірге көшеде мысық қуып жүгірген. Сол сәтте 14 жастағы әпкесі ашық тұрған құдықты байқамай, шамамен төрт метр тереңдікке құлап кеткен.

Полицейлер уақыт жоғалтпай, арқан түсіріп, қызды аман-есен шығарып алды.

Жедел әрі үйлесімді әрекеттің арқасында полиция қызметкерлері жасөспірімді құтқарып қалды. Кейін қыз медицина қызметкерлеріне тапсырылып, оған қажетті көмек көрсетілді.

Қарасай ауданында құтқарушылар темір қоршауға қысылып қалған баланы құтқарды

Сонымен қатар учаскелік полиция инспекторлары қауіпті құдықтың бетін жабу және оған жауапты тұлғаларға қатысты шара қабылдау туралы нұсқама енгізді.

Бұдан бөлек, кәмелетке толмағандардың ата-аналарымен түнгі уақытта балаларды ересектердің қарауынсыз қалдырмау және олардың қауіпсіздігін күшейту жөнінде профилактикалық түсіндіру жұмыстары жүргізілді.