​Тараздағы даулы видеодан кейін полиция бастығы жұмыстан шығарылады

Жамбыл облысында әлеуметтік желілерде тараған даулы видеодан кейін жоғары лауазымды полиция қызметкері жағымсыз себептермен ішкі істер органдарындағы қызметінен босатылады.

Тараз қаласында түсірілген кадрлардан патрульдік полиция қызметкерлерінің Сарысу аудандық әкімшілік полиция бөлімінің бастығын тоқтатқанын көруге болады. Болжам бойынша, ол рөлде мас күйінде отырған болуы мүмкін.

Видеода әріптестерінің автокөлікті кім басқарғаны туралы қойған тікелей сұрағына ер адамның «Қарындасым» («Сестренка») деп жауап бергені де естіледі.

Бұл жарияланым өңір тұрғындары арасында үлкен қоғамдық резонанс тудырды. Пікір қалдырушылар мұндай жағдайдың бұған дейін де орын алғанын алға тартты.

Ресми расталмаған ақпарат бойынша, оқиғадан кейін видео кейіпкері еңбекке жарамсыздық демалысына (больничныйға) шығып кеткен. Дегенмен, Жамбыл облысының полиция департаменті аталған факті бойынша қызметтік тергеу жүріп жатқанын хабарлады.

«Құқыққа қайшы әрекет жасағаны үшін көрсетілген тұлға жағымсыз себептермен ішкі істер органдарынан босатылады», — деп мәлімдеді полициядан.

Ведомство департаменттің заң мен қызметтік тәртіптің кез келген бұзылуына қатысты қатаң ұстанымда екенін баса айтты.

Полицияда, сондай-ақ, кінәлі тұлғалардың жауапкершілігі олардың лауазымына, шеніне және қызметтік жағдайына қарамастан бұлтартпас болуы тиіс екенін мәлімдеді.

Бүгін, 14:49