Тас жолдар жабық: 500 ден астам жолаушы пойызбен жеткізілді

АСТАНА, 9 наурыз – Sputnik. Ақтөбе облысында тас жолдардың жабылуына байланысты пойыздарымен 540 жолаушы жеткізілді, деп хабарлады "Қазақстан темір жолы".

"Қолайсыз ауа райы жағдайына және "Қандыағаш — Ақтөбе" учаскесіндегі тас жолдарының уақытша жабылуына байланысты Ұлттық тасымалдаушының пойыздарымен 540 жолаушы жедел түрде тасымалданды", - деп жазылған хабарламада.

Жолаушыларды тасымалдау өңірдегі келесі станциялардан ұйымдастырылды:

№613 "Маңғыстау — Орал" пойызымен Қандыағаш станциясынан Ақтөбе станциясына дейін 139 жолаушы;

Алға станциясынан 122 жолаушы:

№613 "Маңғыстау — Орал" пойызымен Ақтөбе станциясына дейін 50 жолаушы;

№109 "Маңғыстау — Ақтөбе" пойызымен Ақтөбе станциясына дейін 72 жолаушы;

Ақтөбе станциясынан №110 "Ақтөбе — Маңғыстау" пойызымен Бестамақ, Алға, Тамды, Қандыағаш және Шұбарқұдық станцияларына дейін 279 жолаушы жеткізілді.

Тасымалдау мүмкіндігін арттыру мақсатында №110/109 "Ақтөбе — Маңғыстау" пойызының құрамына қосымша плацкарт вагоны тіркелді.