Тәшиевтің қорғаушылары айғақтарға қатысты сотқа қарсылық білдірді

Фото: Ашық дереккөз

Тәшиевтің қорғаушысы Икрамидин Айтқұловтың мәлімдеуінше, сот қорғаушыларға үш құпия куәгердің жауап алу хаттамаларымен танысуға мүмкіндік бермеген. Осыған байланысты адвокаттар судьяға қарсылық білдірді.

Жәбірленуші тараптың сөзінше, қылмыстық іс материалдарында үш жасырын куәгердің айғақтары бар. Алайда бұл құжаттар бұған дейін адвокаттарға ұсынылмаған. Олар заң бойынша куәгердің жеке басына қатысты мәліметтер ғана құпия сақталуы керек екендігін, ал айғақтардың мазмұны процеске қатысушыларға қолжетімді болуы керектігін айтып отыр.

Қырғызстан алғаш рет БҰҰ Қауіпсіздік Кеңесінің мүшесі атанды

Сот отырысына куәгер ретінде Бішкектің бұрынғы мэрі Иса Өмірқұлов пен Қырғызстанның Өзбекстандағы бұрынғы елшісі Ибрагим Жүнісов шақырылды. Екеуі де басшылықта болған жылдары «75 хат» деп аталған құжатқа қол қойған.

Айта кетейік, бұған дейін Қырғызстанның бұрынғы премьер-министрі Данияр Үсеновтің ұлы Урмат Үсенов Алматы қаласындағы тергеу изоляторына қамалғанын жазған едік. Ол кальян темекісін сату мен заңсыз кәсіпкерлік жүргізу ісі бойынша күдікті ретінде танылып отыр.