Тоқаев мәдениет қайраткері Юрий Аравиннің қайтыс болуына байланысты көңіл айтты

АСТАНА, 21 қазан – Sputnik. Президент Қасым-Жомарт Тоқаев мәдениет қайраткері Юрий Аравиннің дүниеден өтуіне байланысты оның отбасы мен жақындарына көңіл айтты, деп хабарлайды Ақорданың баспасөз қызметі.

"Мемлекет басшысы өнертанушының қазақ фольклорлық және классикалық музыкасын дәріптеуге қосқан айрықша үлесін атап өтті", - деп жазылған хабарламада.

Юрий Аравин – көрнекті мәдениет қайраткері, "Отан" орденінің иегері, Қазақстан Республикасы Композиторлар одағының мүшесі, профессор.

Ол қазақтың халық музыкасын кеңінен насихаттады. Ұлттық мәдениетке бар жан-тәнімен берілген азамат ретінде фольклорлық мұраларды жинақтау мақсатында көптеген ғылыми-шығармашылық экспедицияларға бастамашысы болды. Көптеген көне музыкалық туындыларды жаңғыртып, ғылыми жүйеге түсірді.

"Юрий Аравин қазақ музыкасына, халық композиторлары мен ақындарының мұрасына арналған бірқатар телерадио бағдарламаларын жасады", - деп атап өтті Мәдениет және ақпарат министрлігі.