Трамп Канаданы қорқытты: АҚШ президенті орман өртінің түтініне байланысты баж салығын енгізбек

Фото: BILD

Truth Social әлеуметтік желісінде жариялаған жазбасында Трамп АҚШ-тың «қажетсіз түрде лас әрі денсаулыққа зиянды ауамен тыныстауына» Канаданы жауапты деп атады. Оның айтуынша, Канададағы орман өрттері түтінінің жаз сайын шекара асып, АҚШ аумағына жетуі – жыл сайын қайталанатын мәселе және бұл «өрескел немқұрайлылықтың» салдары.

Трамп бұл жағдайды «мүлде жол беруге болмайтын жағдай» деп бағалады. Оның сөзінше, Канада өз ормандары мен бұталы алқаптарына тиісінше күтім жасамайды және оларды тиімді басқармайды. Осы мәселеге байланысты ол Канаданың премьер-министрі Марк Карнимен телефон арқылы сөйлесуді жоспарлап отырғанын айтты.

Трамп Қытайды АҚШ-тағы сайлауға ықпал етуге тырысты деп айыптады

Сонымен қатар АҚШ президенті Канаданы қаржылық жауапкершілікке тартуды көздейтінін мәлімдеді.

«Бұл ластанудан туындаған шығындар қазіргі таңда Канада төлеп отырған баж салығына міндетті түрде қосылуы тиіс», деді Трамп.

Алайда ол қосымша баж салығының мөлшері қандай болатынын және оның қай тауарларға қатысты қолданылатынын нақтылаған жоқ.

Футболдан әлем чемпионатының финалы: Трамп қатысады, Аргентина президенті ырымға сеніп үйінде қалады

Осылайша, Трамп сауда серіктестеріне қысым көрсету құралы ретінде кедендік баж салығын қолдану тәсіліне тағы да жүгінді. Ақ үйге қайта оралғаннан бері ол бұл тетікті бірнеше рет пайдаланып келеді.