Транскаспий бағытында контейнерлік тасымал көлемі жылына 300 мың ЖФЭ ге жеткізіледі

- Транскаспий бағыты – біздің теңдессіз басымдығымыз. Мемлекет басшысы бұл жобаға айрықша мән береді. Аталған бағыттың теміржол инфрақұрылымын ғана емес, сонымен қатар теңіз инфрақұрылымын да қамтитынын айта кеткен жөн. Контейнерлік тасымалдар тұрақты дамып келеді. Тек осы бағыт бойынша 2029 жылға дейін жылына 80 мың жиырма футтық эквиваленттен 300 мыңға дейін өсуді жоспарлап отырмыз. Қатысушы елдердің үйлесімді жұмысының арқасында «Орта дәліз» бойынша жеткізу мерзімі 18 тәулікке дейін қысқарды. Біз оны 10 күнге дейін азайтуды көздеп отырмыз, - деді Олжас Бектенов.

Үкімет басшысы осы саладағы халықаралық компанияларды тарта отырып, Ақтау және Құрық порттарында контейнерлік хабтарды кеңейту жұмыстары жүргізіліп жатқанын атап өтті.

- «Солтүстік – Оңтүстік» дәлізі деп аталатын Шығыс тармағын дамытып жатырмыз. Бұл – парсы шығанағы мен Үндістан нарықтарына шығатын ең төте жол, - деді Премьер-министр.

Айта кетейік, еліміз 2023 жылға қарай транзт көлемін жылына 100 млн тоннаға жеткізуді жоспарлап отыр.