Тянь Шань мен Памир шыңдары биіктен: алматылық тұрғын бірегей фотолар сериясын түсірді

Алматылық фотограф Дмитрий Доценко ұшақ иллюминаторынан түсірілген бірегей кадрлар сериясын жариялады. Бірнеше жыл ішінде ол Тянь-Шань тауының шыңдарынан бастап Памирге дейінгі 16 локацияны суретке түсіріп алған, деп хабарлайды Tengri Travel.

Алматылық фотограф Дмитрий Доценко ұшақ иллюминаторынан түсірілген бірегей кадрлар сериясын жариялады. Бірнеше жыл ішінде ол Тянь-Шань тауының шыңдарынан бастап Памирге дейінгі 16 локацияны суретке түсіріп алған, деп хабарлайды Tengri Travel.

Кадрлар

Дмитрий Доценко ұшақ бортынан түсірілген суреттерді өзінің Instagram парақшасында бөлісті. Суреттерден Талғар мен Хан Тәңірі шыңдарын ғана емес, Көлсай мен Ыстықкөлді де көруге болады. Фотограф барлығы 16 маңызды орынды түсірген:

Хан Тәңірі шыңы; Жеңіс шыңы; Теріскей Алатау таулары; Ыстықкөл; Талғар шыңы; Исмоил Сомони шыңы (Коммунизм шыңы); Қоңырат карьері; Іле өзені; Еренқабырға жотасы; Балқаш көлі; Мұзтау (Белуха); Күнгей Алатау жотасы; Асы үстірті; Нұрсұлтан шыңы; Көктөбе; кешкі Алматы.

Instagram-дағы бұл жазбаны көру

A post shared by Дмитрий Доценко / Фотограф Алматы (@dots_foto)

Таңғажайып пейзаждарды 20 мыңнан астам қолданушы тамашалады. Пікір қалдырушылар осы суреттердің арқасында Алматы тауларының шыңдарын жақсырақ ажырата бастағанын жазған.

"Енді сіздің көмегіңізбен таудағы шыңдардың қайсысы қайсы екенін білетін боламын" "Маған қатты ұнады. Жеңіс пен Хан Тәңірінің қатар тұрғандағы көрінісін әрқашан көргім келетін" "Жеңіс шыңы деп тегін айтылмаған, нағыз құрметке лайық екен" "Сіз табиғаттың қуатын, күші мен салтанатын тағы бір мәрте керемет көрсеттіңіз, таудан асқан тек тау ғана бар. Сізге үлкен рахмет! Өзіңізге және жақындарыңызға сәттілік тілеймін!" Фотограф не дейді?

Біз алматылық фотографпен байланысқа шықтық. Оның айтуынша, бұл суреттердің барлығы әр жылдары әртүрлі рейс кезінде түсірілген. Ал Жеңіс және Хан Тәңірі шыңдарын ол осыдан төрт күн бұрын ғана Алматы - Үрімжі рейсі кезінде таспалап үлгеріпті.

"Кадрлардан алған әсерім өте керемет болды! Әсіресе Хан Тәңірі мен Жеңіс шыңын көргенде таңданыстан демімді ішіме тартып қалдым. Қызығы, дәл сол сәтте жолаушылардың көбі терезе перделерін жауып тастап, фильм көріп немесе телефондарына үңіліп отырды. Сондықтан менің кеңесім - иллюминаторға жиірек қараңыздар, борт сыртында қызықтар өте көп", - дейді Дмитрий.

Оның сөзінше, бұл серияға ондаған ұшу сапарларынан жиналған ең үздік кадрлар іріктелген. Ол көбінесе ауа райының қолайсыздығынан немесе тәуліктің сәйкес келмейтін уақытынан назар аударарлық дүние түсіру мүмкін болмайтынын атап өтті.

ОБСУЖДАЕТСЯ СЕЙЧАС

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Тауларды ұшақтан қалай түсіруге болады?

Доценконың айтуынша, көп нәрсе ұшақтағы орынды дұрыс таңдауға байланысты.

"Орын терезенің жанында және борттың тиісті жағында болуы керек. Ол үшін мен бағытты алдын ала зерттеймін: егер ұшақ Алматыдан шығысқа қарай ұшса - оң жаққа, батысқа қарай ұшса - сол жаққа отырған дұрыс, сонда таулар кадрға ілігеді", - деп түсіндірді фотограф.

Сондай-ақ салон ішіндегі орынның орналасуын да ескеру маңызды. Оның ойынша, орынды ұшақтың алдыңғы бөлігінен немесе ең артқы жағынан таңдаған тиімді.

"Қозғалтқыштарға дейінгі алдыңғы қатарларға отырған жақсы: олардан шығатын ауа ағыны турбуленттілік тудырып, суреттің анықтығын нашарлатады. Балама нұсқа - артқы қатарлар: онда бұл әсер аз және қанат көрініске кедергі келтірмейді", - деп бөлісті Дмитрий.

Осындай кадрларды қайталап көргісі келетіндер үшін Дмитрий Доценко бірнеше кеңес берді:

зум-объективі бар камера таңдаңыз: 70–200 мм немесе 28–200 мм диапазоны қолайлы, ал кей жағдайларда - 600 мм-ге дейін; әйнектен түсетін шағылысты болдырмау үшін резеңке бленданы (камера объективіне арналған қондырма) пайдаланыңыз; иллюминатордың көпқабатты әйнегі кескін сапасын төмендетуі мүмкін екенін ескеріңіз; әйнекке 90 градус бұрышпен түсіріңіз - бұл бейненің бұрмалануын азайтуға көмектеседі; әйнек арқылы түсірілген суреттің сапасы әрқашан ашық жердегі түсірілімнен төмен болатынына дайын болыңыз.

Google News арқылы жаңалықтарымызды қадағалаңыз

Жазылу