ТЖМ сатып алған Tesla Cybertruck қанша тұрады?: 23 қаңтар 2026, 12:01 жаңалықтар

2025 жылдың аяғында Алматыда ТЖМ символикасы бар Tesla Cybertruck көзге түсті. Кейін бұл көлік бюджет қаражаты есебінен сатып алынғаны белгілі болды, - деп хабарлайды Tengrinews.kz тілшісі.

2025 жылдың аяғында Алматыда ТЖМ символикасы бар Tesla Cybertruck көзге түсті. Кейін бұл көлік бюджет қаражаты есебінен сатып алынғаны белгілі болды, - деп хабарлайды Tengrinews.kz тілшісі.

Мән-жайы

Мемлекеттік сатып алулар порталында Алматы Төтенше жағдайлар департаменті Zharyq ЖШС-нен Tesla Cybertruck "жедел-қызмет көрсету көлігіне" тапсырыс берген келісімшарт жарияланды.

Келісімшарттың жалпы сомасы - 127,5 миллион теңге.

Құжатқа сәйкес, көліктің негізгі мақсаты – төтенше жағдай орнына жедел жету, бастапқы барлау жүргізу, құтқару қызметтерінің жұмысын үйлестіру және оқиға орнында жедел әрекет ету.

Сурет: goszakup

Сондай-ақ Cybertruck:

басшылық пен мамандарды оқиға орнына жеткізуге, қолжетімі қиын аумақтарды тексеруге, құтқарушылар, өртсөндірушілер мен дәрігерлер жұмысын үйлестіруге, 1 тоннаға дейін жүк тасымалдауға, күрделі аймақтарда патруль жасауға пайдаланылады.

Tesla Cybertruck жеткізушісі - Алматыда тіркелген, 30 жылдан аса уақыттан бері жұмыс істеп келе жатқан ТОО Zharyq. Компанияның негізгі қызмет бағыты – "сымсыз телекоммуникация".

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Следите за нашими новостями в Google News

Подписаться