Ұлттық банк көбіне қандай банкноттар қолдан жасалатынын айтты

АСТАНА, 22 шілде – Sputnik. Ұлттық банк пен екінші деңгейлі банктер 2026 жылдың бірінші жартыжылдығында 259 400 теңгенің 57 жалған ақша белгісін анықтады. Оның 49-ы банкнота, 8 монета.

Бұл 2025 жылғы осы кезеңмен салыстырғанда, 68,4%-ға аз (96 жалған ақша белгісі).

© Национальный Банк КазахстанаҰлттық банк жалған банкноттардың белгілерін көрсетті

Ұлттық банк жалған банкноттардың белгілерін көрсетті

© Национальный Банк Казахстана

"Көбіне номиналы 2 000 теңгелік банкноталар қолдан жасалған – 22 дана, анықталған жалған ақшалардың жалпы санының – 38,6%-ы. Одан кейінгі орында номиналы 10 000 теңгелік банкнота тұр – 16 дана (28,1%), 5 000 теңгелік банкнотада – 11 дана (19,3%), қалған 14% – монеталар", - деп жазылған Ұлттық банк хабарламасында.

Ұлттық банк әлеуметтік желілер мен мессенджерлерде ұлттық валютаның сыртқы белгілеріне ұқсайтын және "ПРАЗДНУЕМ ВМЕСТЕ!", "НЕ ЯВЛЯЕТСЯ ПЛАТЕЖНЫМ СРЕДСТВОМ" деген бөгде жазулары бар баспа өнімдерін сатып алуға болатыны туралы жарнамалар да бар екенін ескертті.

© Национальный Банк КазахстанаҰлттық банк жалған банкноттардың белгілерін көрсетті

Ұлттық банк жалған банкноттардың белгілерін көрсетті

© Национальный Банк Казахстана

Майда жазулар өте бұлдыр болады және үлкейтіп қарағанда оқып тануға келмейді. Жалған банкнотада сутамғы белгісі болмайды.

© Национальный Банк КазахстанаҰлттық банк жалған банкноттардың белгілерін көрсетті

Ұлттық банк жалған банкноттардың белгілерін көрсетті

© Национальный Банк Казахстана

"Патч элементінің көлемі жоқ және жай бояумен басып шығарылады. Ал одан сәулелердің жан-жаққа таралуы секілді голографиялық эффектіні де, номинал бейнесінің ою-өрнекке ауысу құбылысын да байқай алмайсыз", - делінген хабарламада.

Қорғаныш жіптің динамикалық және түс ауыстыратын әсері жоқ, жарыққа тосып қарағанда біртұтас емес екеніне көз жеткізуге болады.

© Нацбанк КазахстанаҰлттық банк жалған банкноттардың белгілерін көрсетті

Ұлттық банк жалған банкноттардың белгілерін көрсетті

© Нацбанк Казахстана

Шынайы банкноталарды көзбен шолып қарағанда және қолмен ұстап көргенде оңай анықтауға болатын бірқатар қорғаныш белгісі бар. Ол белгілермен Ұлттық банктің ресми сайтынан танысуға болады.

Күдік туғызатын, соның ішінде сыртқы белгілері шынайы ақшаға ұқсайтын банкноталар қолға түскен жағдайда дереу құқық қорғау органдарына хабарласқан жөн.