Ұлттық банк зейнетақы жинақтарының жеткіліктілік шегінің өсу себебін түсіндірді

Т. Сүлейменовтің айтуынша, жұмысқа қабілетті азаматтар зейнет жасына дейін қаражат жинап, кейін сол қаражат есебінен тұрақты табыс алуға тиіс. Сондықтан зейнетақы жүйесі адамдардың болашақтағы әлеуметтік қорғалуын қамтамасыз ету үшін құрылған.

Ол сондай-ақ зейнетақы шотын еркін пайдалануға болатын депозит ретінде қабылдауға болмайтынын айтты. Оның пікірінше, бұл жүйе азаматтардың болашақ зейнетақысын қалыптастыру мен қорғауға арналған маңызды құрал болып саналады.

Сарапшы: Зейнетақы ақшасы пәтер алуға немесе жөндеу жасауға арналмаған

Ұлттық банк басшысы 2021 жылы ел азаматтарына белгілі бір шарттармен зейнетақы жинағының бір бөлігін мерзімінен бұрын пайдалануға рұқсат берілгенін еске салды. Мұндай шешім пандемиядан кейін халықты қолдау және тұрғын үй жағдайын жақсартуға мүмкіндік беру мақсатында қабылданған.

Айта кетейік, 2 маусымда Үкімет зейнетақы жинақтарының ең төменгі жеткіліктілік шегін анықтаудың жаңа әдістемесін бекітті. Жаңартылған есептеу тәсілі азаматтардың болашақта алатын мақсатты зейнетақы көлемі мен инвестициялық табысты ескереді.

Еңбек министрлігі: Жеткіліктілік шектерін көтеру болашақ зейнетақыны қорғауға бағытталған