Ұлыбритания мектептерде телефон қолдануға заңды тыйым енгізбек

Ұлыбритания үкіметі мектептерде мобильді телефондарды пайдалануға тыйымды заң жүзінде міндетті етуге ниетті, деп хабарлайды АА. 

Бұған дейін бұл шешім мектеп әкімшілігінің құзырында болып, міндетті күшке ие болмаған.

Британдық БАҚ хабарлауынша, білім министрлігінің мемлекеттік хатшысы Джеки Смит Лордтар палатасында сөйлеген сөзінде 2024 жылдан бері телефон қолдануға тыйым салу жөніндегі нұсқаулықтың тек ұсынымдық сипатта болғанын еске салды.

Ол жаңа заң жобасы арқылы мектептер үшін нақты құқықтық міндеттеме енгізілетінін айтты.

Министр Лора Тротт бұл жоспарды мектеп директорлары, ата-аналар, оқушылар және ел үшін жақсы жаңалық деп бағалады. Оның айтуынша, бұл қадам сыныптағы үлгерімді арттыруға және тәртіпті жақсартуға көмектеседі.

Либерал-демократтар партиясының өкілі Кэролайн Воаден де бұл шешімді мұғалімдер, оқушылар және ата-аналар үшін жеңіс деп атады.

Бүгін, 12:25