Ұлытау облысында мал іздеуге шығып, қайтып оралмаған адам табылды

1988 жылы туған қыстау қызметкері 5 қаңтар күні таңғы сағат 9-да жылқысын іздеп шығып, үйіне оралмаған болатын.

Іздестіру жұмыстарына Ұлытау облысы Төтенше жағдайлар департаментінің күштері жұмылдырылды.

— Нәтижесінде ер адам Қамыс-Өткел қыстағынан шамамен 15 шақырым қашықтықта, «Шолақ» карьері аумағынан табылды. Оның жағдайы жақсы, медициналық көмек қажет болған жоқ, — делінген хабарламада.

Бұдан бұрын Атырауда жоғалған отбасы мүшелерінің екеуінің денесі табылғанын жазғанбыз. Ауыл тұрғындарының айтуынша, үйдің отағасы мен әйелінің денесін үй ауласындағы сарайға көміп тастаған.