Үш жылдық бюджет қабылданды үкімет негізгі шығындарды жариялады

АСТАНА, 22 қазан – Sputnik. Мәжіліс депутаттары үкімет ұсынған үш жылдық бюджетті қабылдады, деп хабарлайды Sputnik Қазақстан тілшісі.

2026 жылы республикалық бюджетте қарастырылған негізгі шығыстар:

халықты әлеуметтік қорғауға – 6,8 трлн теңге;

денсаулық сақтау саласына – 2,7 трлн теңге;

Білім және ғылым саласына – 902 млрд теңге;

мәдениет, туризм және спортты дамытуға – 263,5 млрд теңге;

экономиканың өсіміне әсер ететін шығындар – 1,2 трлн теңге;

өңірлерді дамытуға – 300 млрд теңге;

әкімдіктердің дербестігін арттыру мақсатында өңірлерге трансферттер арқылы 5,1 трлн теңге;

күштік құрылымдарды қаржыландыруға – 3 трлн теңге.

Қаржы министрі Мәди Такиевтің айтуынша, бюджет әлеуметтік бағдарланған болып қала береді.

"2026 жылы 10,7 трлн теңге бөлу жоспарлануда, оның ішінде 6,8 трлн теңге – әлеуметтік төлемдерге, ал 3,9 трлн теңге – адами капиталға салынатын инвестицияларға қарастырылған", - деді Такиев.

Келесі жылы бюджет тапшылығы жалпы ішкі өнімге шаққанда 2,5 процент деңгейінде, ал 2028 жылға қарай ол 0,9%-ға дейін төмендейді деген болжам бар.