Валдай конференциясында Еуразия қауіпсіздігі мәселесі талқыланды

АЛМАТЫ, 9 желтоқсан – Sputnik. Өзбекстандық сарапшылар Ресей, Үндістан, Иран, Қазақстан, Қытай және Пәкістаннан келген әріптестерімен бірге "Валдай" халықаралық пікірталас клубының конференциясына қатысты, деп хабарлады Sputnik Өзбекстан.

Конференция тақырыбы – "Еуразия қауіпсіздігі: тұжырымдамадан тәжірибеге".

Еуразиялық қауіпсіздіктің жаңа архитектурасы туралы пікірталас аналитикалық орталықтың Мәскеу алаңында өрбіді.

Әңгіме еуразиялық қауіпсіздіктің жаңа жүйесі, оның принциптері, мақсаттары мен даму кезеңдері қандай болуы мүмкін, болашақ архитектурасының әлеуетті қатысушыларының өңірлік қауіпсіздігі туралы идеялары қалай салыстырылатыны туралы болды.

Іс-шара Еуразия қауіпсіздігі бойынша тұжырымдамалық тәсілдерге, әскери-саяси өлшем мен экономикалық аспектілерге арналған үш тақырыптық сессияны қамтиды.

Бастапқы сессияда "Валдай" клубының бағдарламалық директоры Иван Тимофеев "Еуразиялық қауіпсіздік архитектурасы: Генезис, қағидаттар және дамудың ықтимал бағыттары" атты жаңа баяндамасын ұсынды.

Ресей еуразиялық қауіпсіздіктің бірыңғай архитектурасын құру туралы бастама көтерді. Бұл тұжырымдама сараптамалық және ресми деңгейде дамыды, Үндістан мен Қытай басшыларымен екіжақты саммиттерде және ТМД мен Ресей мен Беларусь одақтас мемлекеті шеңберіндегі бірлескен мәлімдемелердің бір бөлігі болды.