Варшава SAFE бағдарламасы аясында Киевке екі млрд еуро аударатынын мәлімдеді

АСТАНА, 4 наурыз – Sputnik. Польша үкіметінің SAFE жөніндегі уәкілетті өкілі Магдалена Собковяк-Чернечканың айтуынша, Польша Еуропалық Одақтың SAFE қару-жарақ бағдарламасы бойынша өзіне бөлінген қаражаттан Украинаға шамамен екі миллиард еуро аударады.

Бұған дейін Еуропалық комиссияның SAFE қару-жарақ сатып алу бағдарламасы бойынша Польшаға 44 миллиард еуро бөлуді мақұлдағаны туралы хабарланған болатын.

"Иә, бұл жалпы соманың 4-5 пайызына тең болады", - деді Собковяк-Чернечка TVN арнасына берген сұхбатында.

SAFE (Еуропа үшін қауіпсіздік шаралары) - бұл Еуроодақ елдеріне әскери және стратегиялық инфрақұрылымды нығайту, қару сатып алу, кибер және қорғаныс технологияларын дамыту үшін төмен пайызбен, ұзақ мерзімге несие беретін Еуропалық одақтың қорғаныс бағдарламасы.

Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады және оларды "отпен ойнап жатыр" деп санайды. Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді.