Венгрия премьері: Украинада бейбітшілік дәл қазір орнауға тиіс

АСТАНА, 19 қаңтар – Sputnik. Венгрия премьер‑министрі Виктор Орбан X әлеуметтік желісінде Украинадағы қақтығысты мүмкіндігінше тезірек аяқтауға шақырды.

"Венгриялықтар үшін соғыстың жақындап жатқанын білдіретін әрбір белгі алаңдаушылық тудырады. Қазір аптасына мыңдаған адам Украина майданында қаза тауып жатыр. Бейбітшілік дәл қазір орнауға тиіс", — деп жазды ол.

Ресей президентінің баспасөз хатшысы Дмитрий Песков 16 желтоқсанда Украинадағы жағдайды талқылағанда Еуропадағы қауіпсіздік мәселесін де ескеру керек екенін айтты.

Ресей басшысы Мәскеу ұзақ мерзімді шешімді қолдайтынын, қақтығысты уақытша тоқтатуға қарсы екенін бірнеше рет мәлімдеді. Оның пайымынша мұндай шешімге қақтығыстың негізгі себептері жойылғаннан кейін ғана қол жеткізуге болады.