Вьетнам Қазақстанға шетелдікті экстрадициялады ол бес жылға дейін бас бостандығынан айырылуы мүмкін

Вьетнамнан Қазақстанға біздің құқық қорғау органдарынан жасырынып, халықаралық іздеуде жүрген шетел азаматы экстрадицияланды. Ер адам биыл ақпанда ұсталған болатын, деп хабарлайды Tengrinews.kz Бас прокуратураға сілтеме жасап.

Тергеу нұсқасы бойынша, 2022–2023 жылдары күдікті сыбайласымен бірге Алматы аумағында заңсыз ойын бизнесін ұйымдастырған, соның нәтижесінде олар 12 миллион теңгеден астам табыс тапқан.

Сыбайласы қылмыстық жауапкершілікке тартылды, ал оның шетелдік серіктесі бой тасалап, соған байланысты оған іздеу жарияланған болатын.

Қазақстанға экстрадицияланғаннан кейін ер адам тергеу изоляторына қамалды.

"Айып тағылған қылмыс үшін мүлкі тәркіленіп, 5 жылға дейін бас бостандығынан айыру жазасы көзделген", - деп хабарлады қадағалау органы.

Таяуда Қазақстанға World Business Consulting қаржы пирамидасы ісі бойынша күдікті экстрадицияланған. Ол 2026 жылдың қаңтарында Грузияда ұсталған болатын.

Тағы оқыңыз: Қарақшылық үшін сотталған қазақстандық әйел Ресейден қайтарылды

Google News арқылы жаңалықтарымызды қадағалаңыз