Владимир Путин Дональд Трамппен телефон арқылы сөйлесті

Ресей президенті Владимир Путин АҚШ президенті Дональд Трамппен байланысқа шықты. Бұл туралы журналистерге Ресей президентінің халықаралық мәселелер жөніндегі көмекшісі Юрий Ушаков хабарлады.

— Бүгін кешке Ресей және АҚШ президенттері телефон арқылы сөйлесті, — деді Ушаков.

Бұл Путин мен Трамп арасындағы екі айдан астам уақыттағы алғашқы әңгіме, сонымен қатар АҚШ пен Израильдің Иранға шабуылынан кейінгі алғашқы байланыс орнатуы болып отыр.

Ушаков сөйлесуді ашық, іскер және конструктивті деп сипаттады. Ресей президентінің көмекшісі Юрий Ушаковтың айтуынша, бұл әдетте ресейлік және америкалық көшбасшылар арасындағы диалогтың қалыпты форматы.

Бұған дейін АҚШ Ресей мен Украина арасындағы дағдарысты шешу үшін жүргізген келіссөздер жақын арада Зеленский мен Путиннің жеке кездесулеріне әкелуі мүмкін деп хабарланған, деді АҚШ арнайы елшісі Уиткофф. Келіссөздерге Трамп та қатысуы мүмкін.