Weekend. Book. Vibes атауымен өткен іс шараларға 50 мыңға жуық оқырман қатысты

Демалыс күндері елімізде кітап оқуды насихаттау, оқу мәдениетін дамыту және балалар мен жастардың әдебиетке қызығушылығын арттыру мақсатында түрлі шаралар өткізілді. Барлық өңірде ашық ауада кітап оқу алаңдары ұйымдастырылып, әдеби шығармаларға негізделген фильмдердің көрсетілімдері, кітап клубтарының кездесулері және басқа да бағдарламалар ұсынылды. Мысалы, Астанада «BookCrossing» кітап алмасу акциясы өтті.

Түркістан облысында көпшілік «Көшпенділер» тарихи-көркем фильмін және «Қобыланды батыр» диафильмін көрді. Абай облысында «Кітап оқу алаңдары» акциясы және «Демалыс пен кітап – шабыт үндестігі» атты поэзия кеші ұйымдастырылды. Ақмола облысында «Мен әлемді кітап арқылы білемін» атты әдеби кеші және «Quiz book: Білім бәйгесі» зияткерлік ойыны өткізілді. 

Жетісу облысында «Ақындар мұрасы» поэзия кеші, ал Қызылорда облысында «Кітап – сарқылмас қазына» оқу марафоны ұйымдастырылды. Республика көлемінде жалпы 500-ден астам іс-шара өткізіліп, оған шамамен 50 мың адам қатысты. Бұл шаралар оқуға деген қызығушылықты арттыруға бағытталған.