WhatsApp тың iPhone ға арналған нұсқасында көптен күткен функция пайда болды

WhatsApp танымал мессенджері iOS пайдаланушылары үшін iPhone иелерінің басты мәселелерінің бірін шешетін ауқымды жаңартуды шығарды. Енді қолданушылар бір смартфондағы бір қолданба ішінде екі түрлі аккаунтты ресми түрде пайдалана алады, деп хабарлайды Tengri Life.

WhatsApp танымал мессенджері iOS пайдаланушылары үшін iPhone иелерінің басты мәселелерінің бірін шешетін ауқымды жаңартуды шығарды. Енді қолданушылар бір смартфондағы бір қолданба ішінде екі түрлі аккаунтты ресми түрде пайдалана алады, деп хабарлайды Tengri Life.

Бұл не үшін қажет?

WabeTaInfo дерегінше, әзірлеушілер бұл жаңалықты бірнеше ай бұрын хабарлаған болатын, алайда осы уақытқа дейін оған тек тестерлердің шектеулі тобы ғана қол жеткізе алды. WhatsApp-тың iOS-қа арналған 26.22.76 нөмірлі соңғы жаңартуының шығуымен бұл функция баршаға қолжетімді болды. Жаңа нұсқа App Store дүкенінде пайда болды.

Бұл функция жұмыс чаттары мен жеке хаттарды шатастырудан шаршағандар үшін таптырмас шешім болмақ. Енді қолданбадағы әр аккаунттың:

бөлек чаттар тарихы мен архиві; жеке құпиялылық параметрлері; жеке хабарландырулары (хабарламаның қай нөмірге келгенін бірден түсінуге болады) болады.

Бұрын iPhone иелеріне түрлі айла-шарғыларға баруға тура келетін: бөлек WhatsApp Business қолданбасын жүктеу, Safari-де веб-нұсқасын ашық ұстау немесе қасына екінші телефон алып жүру. Енді мұның бәрі артта қалды. Сонымен қатар қолданбада бір уақытта екі аккаунттан артық пайдалануға болмайды.

iPhone-да екінші WhatsApp аккаунтын қалай қосуға болады?

Екінші аккаунтты қосу үшін келесі қадамдарды орындау қажет:

WhatsApp-ты ашып, "Баптаулар" (Настройки) бөліміне өту; "Есептік жазба қосу" (Добавить учетную запись) тармағын таңдау; SMS-код алу үшін екінші телефон нөмірін енгізу немесе аккаунт байланыстырылған құрылғы ретінде қосылса, QR-кодты сканерлеу. Аккаунттар арасында қалай ауысуға болады?

Әзірлеушілер жүйеден шықпай-ақ аккаунттар арасында ауысудың бірнеше жолын қарастырған:

Қолданбаның төменгі мәзіріндегі "Сіз" (Вы) қосымша бетін басып тұрыңыз - экранда профильдерді таңдау мәзірі пайда болады. Белсенді нөмірлер тізімін көру үшін "Сіз" қосымша бетін бір рет басыңыз немесе "Есептік жазбалар", содан кейін "Есептік жазбаны ауыстыру" бөліміне өтіңіз. Бұл Қазақстанда қолжетімді ме?

Иә, бұл функция біртіндеп барлық қазақстандықтар үшін қолжетімді болады. Оның iPhone-да пайда болғанын тексеру үшін App Store дүкеніне кіріп, WhatsApp-ты соңғы нұсқасына дейін жаңарту жеткілікті. Сондай-ақ бұл жаңалық TestFlight арқылы бета-бағдарлама қатысушыларында да жұмыс істейді.

Google News арқылы жаңалықтарымызды қадағалаңыз

Жазылу