Зеленскийдің Будапештке жоспарланған сапары кейінге қалдырылды БАҚ

АСТАНА, 7 маусым – Sputnik. Дүйсенбі күні өтуге тиіс Украина басшысы Владимир Зеленскийдің Будапештке сапары мен Венгрия премьер-министрі Петер Мадьярмен кездесуі кейінге шегерілді. Бұл туралы венгриялық HVG порталы хабарлады.

"Біздің мәліметіміз бойынша кездесу дүйсенбі күні кешке өтуге тиіс болған, алайда түпкілікті келісімге қол жеткізілмегендіктен, сапарды кейінге қалдыру туралы шешім қабылданды", – делінген хабарламада.

Венгрия Сыртқы істер министрлігі басылымның сауалына жауап ретінде кездесу өтетін орын мен уақыт әлі талқыланып жатқанын, дүйсенбіге қатысты нақты дата бойынша түпкілікті келісім жасалмағанын хабарлады.

Порталдың жазуынша, келіссөздің негізгі тақырыбы Венгрия мен Украина арасындағы екіжақты қатынас болмақ. Бұл Мадьярдың соңғы сөздеріне байланысты. Ол сарапшылар деңгейіндегі келіссөзден кейін Закарпаттағы венгрлердің құқықтарын қалпына келтіру бойынша біраз ілгерілеу болғанын айтқан. Ал Венгрия бұған жауап ретінде Украинаның ЕО-ға кіру жөніндегі келіссөзін бастауға қарсы шықпауға келіскен.

Венгрияның бұрынғы үкіметі бірнеше рет екі ел арасындағы қарым-қатынастың нашарлауына Киев кінәлі екенін айтқан. Сондай-ақ Будапешт Закарпаттағы венгр ұлттық қауымының құқықтары, әсіресе ана тілінде білім алу құқығы толық қалпына келтірілмейінше, Украинаның Еуроодаққа кіруіне қатысты ешқандай қадамды қолдамайтынын мәлімдеген.