Жалған актілер мен сөз байласу Петропавлда 2 миллиард теңгеден астам қаражатты жымқыру дерегі тергеліп жатыр

Қаржылық мониторинг агенттігінің Солтүстік Қазақстан облысы бойынша департаменті Петропавлдағы автожол өтпежолының құрылысына бөлінген бюджет қаражатын жымқыру дерегін тергеп жатыр. Болжамды шығын сомасы 2 миллиард теңгеден асады, деп хабарлайды Tengrinews.kz ҚМА баспасөз қызметіне сілтеме жасап.

Қаржылық мониторинг агенттігінің Солтүстік Қазақстан облысы бойынша департаменті Петропавлдағы автожол өтпежолының құрылысына бөлінген бюджет қаражатын жымқыру дерегін тергеп жатыр. Болжамды шығын сомасы 2 миллиард теңгеден асады, деп хабарлайды Tengrinews.kz ҚМА баспасөз қызметіне сілтеме жасап.

ҚМА ақпаратынша, 2023 жылдың тамызда Петропавл қаласы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі мен "БУКА" ЖШС арасында жалпы сомасы 5,4 миллиард теңгеге автожол өтпежолын салу туралы келісімшарт жасалған.

"Келісімшартты орындау барысында мердігер ұйым жұмыс кестесінен жүйелі түрде кешігіп отырған. Тергеу нұсқасы бойынша, мердігер ұйымның директоры әкімдік лауазымды тұлғаларымен сөз байласып, нақты орындалған жұмыс көлемі туралы жалған мәліметтер жазылған актілерді рәсімдеу мен оған қол қоюды ұйымдастырған", - делінген таратылған хабарламада.

Аталған құжаттардың негізінде мердігер ұйымға бюджеттен негізсіз ақша аударылып отырған. Нәтижесінде мемлекетке 2 миллиард теңгеден астам сомаға шығын келтірілді.

"Сот санкциясымен құны 270 миллион теңгеден асатын 24 көлік құралы мен арнайы техникаға тыйым салынды. Күдікті қамауға алынды. Тергеу жалғасып жатыр", делінген хабарда.