Жамбыл облысында жол сапасы тексерілді: әр бесінші сынамадан ақау табылды

Бөлінген қаражат есебінен жалпы ұзындығы 464,5 шақырым жол құрылыс, қайта жаңғырту және орташа жөндеу жұмыстарымен қамтылған. Оның ішінде 62,1 шақырым – облыстық, 48 шақырым – аудандық маңызы бар жолдар, ал 330 шақырымнан астамы – елді мекен көшелері.

– Биыл 182 жобаның 145-і аяқталды, 48-інде жұмыстар жалғасуда. Барлық жобаларды 1 қарашаға дейін толық аяқтау көзделіп отыр, – деді Саурықов.

Оның айтуынша, жол қозғалысы қауіпсіздігін қамтамасыз ету мақсатында 4 млрд теңге ағымдағы жөндеу мен күтіп ұстауға бағытталған. Сонымен қатар, жол сапасы «Жол активтері сапа орталығымен» бірлесіп тексерілуде. 248 инспекциялық шығу барысында 1079 сынама алынып, олардың 21 пайызында сәйкессіздік анықталған.

– Сапасыз материал қолданған және келісімшарт талаптарын бұзған мердігерлерге 3,7 млн теңге айыппұл салынды. Бір мердігер сот шешімімен жосықсыз деп танылды, тағы бірнешеуіне қатысты сот процесі жалғасуда, – деді басқарма басшысы.

Айта кетейік, Жамбыл облысында медициналық ұйымдар 32,3 млрд теңгені тиімсіз жұмсаған.