Жаңа Конституциялық нормалар еңбек ұжымдарының құқығын күшейтпек

Павлодар қаласына жұмыс сапарымен депутат Екатерина Смышляева барып, жаңартылған коалицияның фронт-офисінде қонақта болды. Өңірлік коалиция төрағасы Илья Теренченконың жетекшілігімен динамикалық форматта өткен презентация жұмыс алаңның жоғары қарқынын көрсетті,  – деп хабарлайды Aikyn.kz референдум сайтына сілтеме жасап.

Кездесудің жеке блогында кәсіподақтармен әңгіме өрбіді. Тараптар еңбек процестерін цифрландыру, қызметкерлер деректерін қорғау және кадрлық шешімдердің ашықтығы мәселелерін талқылады. Жаңа Конституциялық нормалар еңбек ұжымдарының құқықтарын күшейтіп, құқықтық қауіпсіздіктің заманауи стандарттарын қалыптастыратыны атап өтілді. 

Сондай-ақ МИБ мен ПИК өкілдерімен мазмұнды диалог өтті. Павлодар қаласында ПИК-тан мүлік иелері бірлестіктеріне көшу белсенді жүріп жатыр – бүгінде шамамен 90 МИБ жұмыс істейді. Қатысушылар үйлерді басқарудың жаңа формаларына көшу, ортақ мүлікті қорғау және меншік иелерінің құқықтық кепілдіктері туралы сұрақтар қойды. 

Депутат алғаш рет конституциялық деңгейде жеке деректерді, цифрлық сәйкестікті және зияткерлік меншікті қорғау бекітілгенін атап өтті. Бұл адамның цифрлық өмірі оның физикалық құқықтары сияқты сенімді қорғалатын жаңа құқықтық қауіпсіздік стандарттарына көшуді білдіреді. 

Сапар дискуссияның жоғары деңгейін көрсетіп, жаңа Конституция – абстрактілі құжат емес, азаматтардың құқықтарын өндірісте, цифрлық кеңістікте және өз үйінде қорғаудың нақты құралы екенін растады.