Жаңа салық режимі: Кәсіпкерлер нені ескеруі тиіс?

Qazaq24.com, Egemen.KZ дереккөзінен алынған мәліметтерге сүйене отырып ақпарат бөліседі..

2026 жылғы 1 қаңтардан бастап елімізде жаңа Салық кодексі қолданысқа енгізілді. Соған сәйкес арнаулы салық режимдерінің саны үшке дейін қысқартылды. Қаржы министрлігінің Мемлекеттік кірістер комитеті кәсіпкерлерге қандай режимдер қарастырылғанын және қандай жағдайда 2026 жылғы 1 наурызға дейін салық режимін таңдау туралы хабарлама беру қажет екенін түсіндірді, деп жазады Egemen.kz.

Фото: Gov.kz

Жаңа Салық кодексінде өзін-өзі жұмыспен қамтығандар үшін, оңайлатылған декларация негізіндегі режим, шаруа және фермер қожалықтары үшін үш арнаулы салық режимі енгізілген.

«Жаңа Салық кодексі аясында арнаулы салық режимдерінің саны қысқартылды, яғни олар үшке дейін оңтайландырылды. Бұған дейін олардың саны жеті болған. Қазіргі таңда үш арнаулы салық режимі қалды. Біріншісі – оңайлатылған декларация негізіндегі арнаулы салық режимі. Екіншісі – өзін-өзі жұмыспен қамтығандарға арналған арнаулы салық режимі. Үшіншісі – шаруа және фермер қожалықтарына арналған арнаулы салық режимі», деді Мемлекеттік кірістер комитетінің Арнаулы салық режимдерін әкімшілендіру басқармасының басшысы Ерқанат Шыңберген.

Жаңа салық режимі бизнеске қандай мүмкіндіктер сыйлайды?

Кәсіпкерлер нені білуі тиіс:

Оңайлатылған декларация негізіндегі арнайы салық режимі (АСР)

Осы режимді қолдануды жоспарлап отырған салық төлеушілер 2026 жылғы 1 наурызға дейін қолданылатын салық салу режимі туралы хабарлама ұсынуы қажет.

Егер көрсетілген мерзімде хабарлама ұсынылмаса, салық төлеушілер 2026 жылғы 1 қаңтардан бастап автоматты түрде жалпыға бірдей белгіленген салық салу тәртібіне ауыстырылады.

Салық бәсекелестікті қалай дамытады?

Хабарламаны қалай жіберу керек:

Салық төлеушінің кабинеті арқылы (АЖ СӘИЖ жүйесінде «Құжаттарды тапсыру» – «Қолданылатын салық салу режимі туралы хабарлама» бөлімі).

«E-Salyq Business» арнайы мобильді қосымшасы арқылы («Қызмет» – «ЖК салық салу режимін өзгерту» бөлімі).

Қағаз нұсқада орналасқан жері бойынша «Мемлекеттік кредиттік бюро» АҚ (МКБ) арқылы;

Банктердің мобильді қосымшалары арқылы (қазір бұл сервис Kaspi Bank қосымшасында «Мемлекеттік қызметтер» – «ЖК реквизиттері мен салық режимін өзгерту» бөлімінде іске асырылған) беруге болады.

Салық реформасының мәні неде?

Өзін-өзі жұмыспен қамтығандарға арналған арнаулы салық режиміне көшу

2026 жылғы 1 наурыздан бастап салық органдары 2025 жылы патент негізіндегі АСР немесе арнайы мобильді қосымшасы арқылы АСР қолданған салық төлеушілерді жеке кәсіпкер ретінде есептен автоматты түрде шығарады. Бұл ретте салық төлеушінің есептен шығу туралы өтінішті өз бетінше беру құқығы сақталады.

Салық режимдерінің ауысуы кітап нарығына қалай әсер етеді?

Егер салық төлеуші қолданылатын салық салу режимі туралы хабарлама тапсырып, өзге режимді таңдаған жағдайда, есептен шығарылмайды. Бұл ретте өзін-өзі жұмыспен қамтығандарға арналған АСР қолдана басталған күні ретінде «E-Salyq Business» мобильді қосымшасында алғашқы чек енгізілген күн есепке алынады.

Салық режимін өзгертуге бір реттік мүмкіндік берілді

Шаруа және фермер қожалықтары (ШФҚ) үшін арнаулы салық режиміне көшу

Аталған режимге көшу 2026 жылғы 1 наурызға дейін салық органдары арқылы автоматты түрде жүзеге асырылады. Бұл санатқа жататын кәсіпкерлерден хабарлама тапсыру талап етілмейді.

Соңғы жаңалықтар

Астанадағы бұқаралық шаңғы жарысына қалай қатысуға болады?

Елорда • Бүгін, 10:44

Түндегі тілсіз жау: СҚО-дағы бір ауданда екі адам өрттен қаза тапты

Төтенше жағдай • Бүгін, 10:42

Кофе неге қымбаттап барады?

Баға • Бүгін, 10:35

Теміртаудың тең жартысы жылусыз қалды

Аймақтар • Бүгін, 10:23

Жапониядағы кезектен тыс сайлау: Премьер-министр парламентті тарату туралы шешім қабылдады

Саясат • Бүгін, 10:17

Полиция дерегі: Алаяқтардың арбауына көбінде кімдер ілінеді?

Аймақтар • Бүгін, 10:04

Әлімханұлына қатысты допинг дауы: Қайта тыңдау тағайындалды

Кәсіпқой бокс • Бүгін, 10:00

Хромтауда газ жарылды: 5 адамды күйік шалды, бір адам жансақтау бөлімінде жатыр

Төтенше жағдай • Бүгін, 09:50