Жанәбіловтерге қандай жаза тағайындалуы мүмкін?: 16 қазан 2025, 14:05 жаңалықтар

Блогерлер Ерболат Жанәбілов пен Эльмира Төлегеноваға қатысты қылмыстық іс қозғалды. Оларға екі жылға дейін бас бостандығынан айыру жазасы тағайындалуы мүмкін. Алайда, ҚМА мәлімдетінше, мұндай жағдайдың алдын алуға болатын еді, - деп хабарлайды Tengrinews.kz тілшісі.

Блогерлер Ерболат Жанәбілов пен Эльмира Төлегеноваға қатысты қылмыстық іс қозғалды. Оларға екі жылға дейін бас бостандығынан айыру жазасы тағайындалуы мүмкін. Алайда, ҚМА мәлімдетінше, мұндай жағдайдың алдын алуға болатын еді, - деп хабарлайды Tengrinews.kz тілшісі.

Бұған дейін ҚМА 37-ден аса блогерге қатысты материалдарды әкімшілік жауапкершілікке тарту үшін уәкілетті органдарға жіберген. Сенаттағы брифинг барысында журналистер ҚМА төрағасының орынбасары Жеңіс Елемесовтен Жанәбіловтар ісі неге сотқа дейін жеткенін сұрады.

Елемесовтің айтуынша, бәрі іске қатысушылардың ұстанымына байланысты. Егер адам әкімшілік жазаға келіспей, өтініш берсе (Жанәбіловтардың жағдайында), іс сотқа жіберіледі.

"Әкімшілік құқық бұзушылық туралы кодексте көрсетілген, егер тұлға әкімшілік жауапкершілікке келіспей, тиісті өтініш білдірсе, іс уәкілетті органда емес, сотта қаралуы тиіс", – деп түсіндірді ол.

Айта кетейік, бүгін ҚМА блогер Жанәбіловтарға қатысты Қылмыстық кодекстің 214-бабы 1-бөлігі бойынша қылмыстық іс қозғағаны белгілі болды.

Анықтама: Қылмыстық кодекстің 214-бабы 1-бөлігі уәкілетті органда тіркеусіз кәсіпкерлік қызметпен айналысқаны үшін жауапкершілікті көздейді. Жаза – 2000 айлық есептік көрсеткішке дейін айыппұл салу, сол мөлшерде түзеу жұмыстары немесе 600 сағатқа дейін қоғамдық жұмыстарға тарту, не болмаса екі жылға дейін бас бостандығын шектеу немесе бас бостандығынан айыру, мүлікті тәркілеумен немесе онсыз тағайындалуы мүмкін.

Сілтемесіз жаңалық оқисыз ба? Онда Telegram желісінде парақшамызға тіркеліңіз!