Жаппай төбелес: ФИФА Аргентина құрамасына қатысты іс қозғады

Фото: Getty Images

BBC мәліметінше, әлем чемпионатының финалында Испания құрамасы Аргентинаны 1:0 есебімен жеңгеннен кейін, MetLife стадионының алаңында қос команданың ойыншылары арасында жаппай төбелес болды. Оқиғаға байланысты ФИФА арнайы прокурор тағайындады. Енді ойыншылар мен жаттықтырушыларды ұзақ мерзімді дисквалификация, ал Аргентина футбол федерациясын қомақты айыппұл күтіп тұр.

Жанжал ойын аяқталғаннан кейін бірден басталған. Испания құрамасының ауыстырылған жартылай қорғаушысы Родри жеңісті тойлауға жүгірген сәтте, аргентиналық Науэль Молина оның қолынан ұрған. Ауызша кикілжің көп ұзамай жаппай төбелеске ұласқан.

Испания – әлем чемпионы

Аргентина құрамасының жартылай қорғаушысы Леандро Паредес Испания қорғаушысы Эрик Гарсияның тамағынан ұрып, кейін жас ойыншы Гавиді итеріп жіберген. Ал Тьяго Альмада Гавиді қатты қағып, көгалға құлатқан.

Сондай-ақ Аргентина құрамасы бапкерінің көмекшісі Роберто Айяла қарсылас ойыншылардың жағасынан ұстап, куәгерлердің айтуынша, Дани Ольмоға да соққы жасаған.

Төбелеске қатысқандарға қатысты шешім алдағы айларда қабылдануы мүмкін.

ФИФА рейтингі жаңарды: Қазақстан нешінші орында?

Бұған дейін Испанияның Сьюдад-Родриго қаласында ұлттық құраманың футболдан әлем чемпионатындағы жеңісін тойлау кезінде субұрқақтың бір бөлігі опырылып құлап, жасөспірімнің көз жұмғаны туралы хабарлаған едік.