Жас ғалым Асия Ермухамбетова Ерен еңбегі үшін медалімен марапаттады

Egemen.KZ парақшасынан алынған ақпаратқа сәйкес, Qazaq24.com хабарлайды..

Ғылым күні қарсаңында Ақордада өткен салтанатты жиында Мемлекет басшысы Қасым-Жомарт Тоқаев елдің зияткерлік әлеуетін дамытуға үлес қосып жүрген бір топ ғалымды марапаттады. Олардың қатарында химия мен жасанды интеллект салаларын ұштастырып жүрген доктор PhD, ҚР Ұлттық ғылым академиясы жанындағы Жас ғалымдар кеңесі төралқасының мүшесі Асия Ермухамбетова бар, деп хабарлайды Egemen.kz.

Жас ғалым Президенттің қолынан «Ерен еңбегі үшін» мемлекеттік марапатын алды. Салтанатты рәсімнен кейін Асия Ермухамбетова BAQ.KZ тілшісіне берген сұхбатында бұл марапаттың бүкіл ғылым саласына көрсетілген құрмет екенін атап өтті.

«Эмоциялар өте күшті болды. Бізді Ақордаға кірген сәттен бастап жоғары деңгейде қарсы алды. Бұл – үлкен жауапкершілік. Ғалым ретінде еңбегіміздің осылай бағалануы – үлкен сенім», деді ол.

Марапаттау рәсімі Ғылым күні қарсаңында өтті. Бұл – ғылыми қауымдастық үшін ерекше маңызды кезең.

«Конституцияға енгізілген өзгерістерден кейін ғылымның мәртебесі артты. Енді мемлекет ғылымға бұрынғыдан да жоғары деңгейде көңіл бөліп отыр», деді ғалым.

Асия Ермұхамбетованың ғылымға қызығушылығы мектеп кезінен басталған. Химия пәні мұғалімі оның ғылыми бағытқа бет бұруына түрткі болған.

Ол кейін Satbayev University-де білім алып, «Болашақ» бағдарламасымен University College London университетінде PhD дәрежесін қорғаған. Бүгінде жас ғалым Қазақстандағы ғылыми ортаға да белсенді үлес қосып келеді.

Оның бастамасымен 400-ден астам зерттеушіні біріктіретін Жас ғалымдар альянсы құрылған.

Қазіргі уақытта ғалымдар тобы химия мен жасанды интеллектті ұштастыра отырып, жаңа материалдарды зерттеумен айналысады.

«Біз жасанды интеллект әдістерін пайдаланып, материалдардың қасиеттерін зерттеп жатырмыз. Бұл тәжірибе уақытын қысқартып, тиімді микроструктура алуға мүмкіндік береді. Нақты айтқанда, электродтарға арналған микроструктураларды әзірлеудеміз», деді ол.

Мұндай зерттеулер ғылым мен өндірістің дамуына жаңа серпін беріп, инновациялық технологияларды жеделдетуге жол ашады. Мамандардың айтуынша, бұл Қазақстан ғылымының жаңа деңгейге көтерілуінің айқын көрінісі.

Еске сала кетейік, бүгін Президент жиында жоғары мемлекеттік марапаттар тізіміне «Әл-Фараби» ордені енгізілетінін мәлімдеп, қазақстандық ғалымдарды марапаттады. Ал бір топ жас ғалымға пәтер кілттерін табыстады.

Соңғы жаңалықтар