Жат дінге кіріп кеткен : Атырауда жоғалып кеткен отбасыға қатысты ел күтпеген деректер мәлім болды (ВИДЕО)

Атырау облысындағы отбасының жоғалып кетуіне байланысты әлі күнге дейін табылмай жатқан Наурыз Мұқанғалиевке қатысты жаңа пікірлер айтылды. Оның туған ауылы – Жангелдинге "Qazaq Airan" тілшісі арнайы барып, марқұмдардың көршілерімен тілдесті, деп Arasha.kz тілшісі kznews.kz сайтына сілтеме жасап хабарлайды.

Марқұмдардың көршісі Назгүл Нығыметова қазіргі таңда іздестіріліп жатқан Наурыз Мұқанғалиев туралы ауыл ішінде тараған әңгімелерді баяндады.

"Желтоқсан айының ортасынан бастап естідік: жаңағы марқұм Наурыз жат дінге кіріп кеткен екен, әке-шешесін шетел асырып, Сирияға алып кетіпті деп естідік. Сондай сөздер ауыл арасында айтылып жатты. “Олай болуы мүмкін емес” деп, біз оған сене алмадық. Сосын тағы да сыбыстар шыға бастады: малдарын сатып жатыр екен, ата-анасы ауырып, қалаға көшіп жатыр екен деп айта бастады. Анасы қан қысымынан ауырады екен, сол кісіні қаратуды ойлап, Ташкентке алып кетіпті деп айтылды. Одан кейін барлығыңыз білгендей, жария болды. Қазір ауыл тұрғындары қорқып отыр, балаларымызды алысқа ойнауға жібермейміз", – деді көршісі.