Жел күшейіп, қар жауады: алдағы үш күнде ауа райы қандай болады

АЛМАТЫ, 9 наурыз - Sputnik. Қазақстанның кей аймағында қар аралас жауын жауады. Қазгидромет 10-12 наурызға ауа райы болжамын жасады.

Қазақстанның басым бөлігінде қар аралас жауын-шашын болады. Солтүстік-шығыс, орталықта қалың қар жауады. Оңтүстікте, оңтүстік-шығыста қар аралас жаңбыр жауады. Республика бойынша жел күшейіп, көктайғақ болады. Тұман басады. Солтүстік өңірлерде боран болады деп болжанып отыр.

Батыста түнде ауа температурасы -15-28-ден -6 градусқа дейін көтеріледі. Күндіз 0-10 градус болады.

Оңтүстік-батыста түнде 8-16 аяздан -2 градусқа дейін жылынады. Күндіз +5+13 градусқа дейін жылынады.

Солтүстік-батыста түнде -22-33-тен -2-10 градусқа дейін, күндіз -15-20 градустан -3 градусқа дейін төмендейді.

Солтүстікте түнде 15-33-тен 10-23 аязға дейін, күндіз 15-25-тен 0-7 градусқа дейін сынап бағанасы көтеріледі.

Ал орталықта сынап бағанасы түнде -2-15-тен 15-30 аязға дейін төмендейді. Ал 12 наурызда 10-21 аяз, күндіз -10 градус аяз болады.

Шығыста 30 градусқа дейін аяз болады деп болжанып отыр. Түнде 7-23 градус аяз, күндіз 0-5 градусқа дейін жылынады.

Астанада 10 наурызда көшпелі бұлт шығып, қап жауып, боран соғады. Сынап бағанасы түнде 8-10°С, күндіз 6-8°С көрсетеді.

11 наурызда көшпелі бұлт шығып, боран соғады, қар жауады, ауыспалы бұлт, түнде қар, боран соғады. Ауа температурасы түнде -25-27°С, күндіз -13-15°с.

12 наурызда күн бұлтты, қар жауып, боран соғады. Ауа температурасы түнде -13-15°С, күндіз -3-5°С.

Алматыда 10 наурызда жауын-шашын болады. Ауа температурасы түнде және күндіз +3 + 5°С, күндіз одан әрі төмендейді.

11 наурызда қалың қар жауады. Тұман түсіп, көктайғақ болады. Ауа температурасы түнде -8-10°С, күндіз -5-7°С көрсетеді.

12 наурызда тұман басып, көктайғақ болады. Ауа температурасы түнде -12-14°С, күндіз -3-5°С болады.

Шымкентте 10 наурызда күн жауын-шашынды болады. Көктайғақ болады. Ауа температурасы түнде 0,+2°С, күндіз + 2 + 4°С.

11 наурызда түнде қар жауып, көктайғақ болады. Ауа температурасы түнде -10-12°С, күндіз -3-5°С градусты көрсетеді.

12 наурызда көшпелі бұлт шығады, жауын-шашынсыз. Ауа температурасы түнде -6-8°С, күндіз + 2+4°С жылы болады.