Желіде жалған ақпарат таратқан әйелге 778 мың теңге айыппұл салынды

Ақтау қаласының мамандандырылған әкімшілік құқық бұзушылықтар жөніндегі сотының мәліметінше, биыл мамыр айында әлеуметтік желілерге жүргізілген мониторинг барысында азаматша Р.-ның Facebook, Instagram парақшаларында және WhatsApp чатында Ш.Есенов атындағы Каспий технологиялар және инжиниринг университеті оқытушыларына қатысты жазбалар жариялағаны анықталған.

Соттың пайымдауынша, аталған жарияланымдарда ұстаздардың ар-намысы, қадір-қасиеті мен іскерлік беделіне нұқсан келтіретін жалған мәліметтер таратылған.

Германияда канцлерді әлеуметтік желіде қорлағандарға айыппұл салынды

Нәтижесінде азаматша Әкімшілік құқық бұзушылық туралы кодекстің 73-3-бабы 2-бөлігі бойынша кінәлі деп танылып, оған 180 айлық есептік көрсеткіш көлемінде, яғни 778,5 мың теңге айыппұл салынған.

Алайда сот отырысында әйел өзіне тағылған айыппен келіспейтінін айтып, кінәсін мойындамаған. Ал университет өкілі оны әкімшілік жауапкершілікке тартуды сұраған.

Аталған бапқа сәйкес, телекоммуникация желілері немесе бұқаралық ақпарат құралдары арқылы жала жапқаны үшін жеке тұлғаларға 180 АЕК көлемінде айыппұл салу немесе 20 тәулікке дейін әкімшілік қамауға алу жазасы қарастырылған.

Алматыда сахнада балағат сөз айтқан әншіге айыппұл салынды

Сот қаулысы әзірге заңды күшіне енген жоқ.