Жол ережесін өрескел бұзғандарға қатаң шара: әкімшілік қамақ қолданылады

Прокуратураның мәліметінше, агрессивті жүргізу, жылдамдықты арттыру және қауіпті маневр жасау азаматтардың өмірі мен денсаулығына нақты қауіп төндіреді және түбегейлі құқықтық бағалауды қажет етеді. Кейбір жағдайларда мұндай құқық бұзушылықтардың алдын алу үшін тек айыппұл салу жеткіліксіз.

— Жүйелі түрде, қасақана және өрескел бұзушылықтарға жол беретін жүргізушілерге қатысты неғұрлым қатаң тәсіл қолданылады: олардың әрекеттері 15 тәулікке дейін әкімшілік қамаққа алуды көздейтін Қазақстан Республикасы ӘҚБтК-нің 434-бабы бойынша (ұсақ бұзақылық) қосымша сараланады, — делінген ведомствоның хабарламасында.

тіпті аталған бап бойынша бірнеше адам жауапқа тартылған. Бұл ретте олардың барлығы бұрын айыппұл түрінде бірнеше рет әкімшілік жауаптылыққа тартылған, алайда бұл тиісті профилактикалық әсер етпегенін атап өткен жөн.
Бұл жылдамдықты аз мөлшерде бір реттік асыру туралы емес. Қабылданып отырған шаралар заң талаптарын саналы түрде елемейтін, айналасындағыларға айқын менсінбеушілік танытатын, ережелерді әдейі әрі көрсетіп бұзатын, кейде мұны әлеуметтік желілерде жариялап, мақтан ететін жүргізушілерге қатысты қолданылады.
Мұндай әрекеттер қоғамдық орындарда жасалып, жол қозғалысының басқа қатысушыларына нақты қауіп төндіреді, қоғамдық тәртіп пен азаматтардың тыныштығын бұзады және өзінің сипаты бойынша әдеттегі әкімшілік құқық бұзушылық шеңберінен шығып, ұсақ бұзақылық белгілеріне ие болады.
Бұл тәжірибе прокуратура мен полиция органдарының үйлестірілген жұмысы аясында сот тәртібімен жүзеге асырылып, жауаптылықтың бұлтартпастық қағидатын қамтамасыз етуге және жолдардағы аса қауіпті қауіпті мінез-құлық түрлерінің жолын кесуге мүмкіндік береді.
Астана қаласының прокуроры Ғабит Мұқанов атап өткендей, қасақана құқық бұзушыларды оқшаулауға байланысты шараларды қолдану агрессивті жүргізуге төзбеушілікті қалыптастыруға және жол-көлік оқиғаларының санын азайтуға бағытталған.
Елорда прокуратурасы жүргізушілерді жол қозғалысы қағидаларын қатаң сақтауға, айналасындағыларға құрметпен қарауға және жолдағы қауіпсіздік — ортақ жауаптылық екенін есте сақтауға шақырады.

Бұған дейін Астанада жыл басынан бері жол ережесін 61 рет бұзған жүргізуші ұсталғанын жаздық.