Жыл басынан бері Skills Enbek платформасында 9,9 мың жұмыссыз оқудан өтті

2026 жылдың басынан бері 27,5 мың қазақстандық, оның ішінде шамамен 9,9 мың жұмыссыз азамат Skills Enbek кәсіптік оқыту платформасында онлайн курстарды аяқтап, сертификат алды.
Олардың 2,4 мыңы – 16–35 жас аралығындағы жастар. Қазіргі уақытта платформада 1,2 млн-нан астам адам тіркелген. Биылдың өзінде 44,7 мың жаңа қолданушы қосылған. Онлайн алаңда әртүрлі бағыт бойынша 570 курс ұсынылған, оның 385-і тегін.

Оқуға қатысқандардың басым бөлігі Шымкент қаласы, Ақтөбе, Түркістан және Қарағанды облыстарынан. Курстардың ұзақтығы 2 сағаттан 72 сағатқа дейін.

Ең көп сұранысқа ие курстар қатарында «Кассир», қаржылық сауаттылық, қозғалысы шектеулі адамдарға жеке көмекші дайындау және әлеуметтік жұмысқа кіріспе бағдарламалары бар. Платформа азаматтардың кәсіби біліктілігін арттырып, өмір бойы білім алу қағидатын дамытуға бағытталған.