1 мамыр Бірлік күні: қандай мереке, қалай демаламыз және 2026 жылы қайда баруға болады

1 мамырда Қазақстан халқының бірлігі мерекесі атап өтіледі. Tengri Life бұл күні Астана мен Алматы қалаларында баруға болатын іс-шаралар топтамасын ұсынады.

1 мамырда Қазақстан халқының бірлігі мерекесі атап өтіледі. Tengri Life бұл күні Астана мен Алматы қалаларында баруға болатын іс-шаралар топтамасын ұсынады.

1 мамыр

1996 жылға дейін Қазақстанда 1 мамыр Еңбек күні ретінде тойланып келді. Алайда 1995 жылғы күзде 1 мамырды Қазақстан халқының бірлігі күні деп белгілеу туралы жарлыққа қол қойылды.

Биыл Қазақстан халқы Ассамблеясы құрылғанына 31 жыл толуын атап өтіп жатыр. Ұйым 1995 жылы құрылған. Оның басты мақсаты - Қазақстанда тұратын этностар арасындағы бейбітшілікті, келісім мен достықты нығайту. Сондай-ақ, Ассамблея ұлтаралық қатынастар мәселелерін шешуге көмектеседі және ел бірлігін бекемдеуде маңызды рөл атқарады.

1 мамыр туралы не білуіміз керек?

Мерекенің мемлекеттік мәртебесі бар болғандықтан, бұл күн - ресми түрде демалыс.

2026 жылы 1 мамыр жұмаға сәйкес келеді:

бес күн жұмыс істейтін қазақстандықтар қатарынан 3 күн демалады (1, 2 және 3 мамыр). алты күн жұмыс істейтіндер үшін жұма, 1 мамыр - демалыс, сенбі, 2 мамыр - жұмыс күні, ал жексенбі, 3 мамыр - қайтадан демалыс болады. Қазақстанда қай ұлттар көп?

Ұлттық статистика бюросының мәліметінше, Қазақстанда 124 этнос өкілі тұрады. Олардың арасында қазақтар, орыстар, өзбектер, украиндар, ұйғырлар, сондай-ақ, цахурлар, нивхтер, удэгейлер, кеттер, чукчалар, саамдар және басқа да саны аз халықтар бар.

Күні кеше Бюро 2026 жылдың басына қарай.

Қазақтар – 14 664 202; Орыстар – 2 943 022; Өзбектер – 695 557; Украиндар – 367 547; Ұйғырлар – 309 164; Немістер – 222 890; Татарлар – 218 361; Әзербайжандар – 157 568; Корейлер – 120 821; Түріктер – 93 234; Дүнгендер – 88 165; Беларустар – 73 788; Тәжіктер – 61 307; Күрдтер – 52 077; Қырғыздар – 41 459. 2026 жылғы 1 мамырдағы мерекелік іс-шаралар: Алматы мен Астана Астанада қайда баруға болады?

Елорда әкімдігінің мәліметінше, 1 мамырда Достық үйінің алаңында "Қазақстан – бірлік мекені" фестивалі өтеді.

"Қала тұрғындары мен қонақтарына арнап фестивальдер, концерттер, жәрмеңкелер, спорттық және отбасылық іс-шаралар өтеді", - делінген хабарламада.

Сондай-ақ, бірнеше жерде концерттік бағдарламалар ұйымдастырылады:

"Жетісу" саябағы; Есіл өзені жағалауындағы Арбат аумағы; "Жастар" сарайы.

Сонымен қатар, 1 мамырда сағат 12:00-де қалалық алаңда Мамбетов атындағы мемлекеттік драма және комедия театры әртістерінің қатысуымен мерекелік концерт өтеді.

Бұған қоса, бұл күні "Жерұйық" саябағында ұлттық спорт түрлерінен жарыстар және "Жағалау-3" ТҮК тұрғындары арасында шахмат турнирі өткізіледі.

Мерекелік іс-шаралар 2-3 мамырда да жалғасады. Бұл күндері ауыл шаруашылығы жәрмеңкелері, соның ішінде Keryen Joly аумағында және сауда-ойын-сауық орталықтарында концерттік бағдарламалар өтеді.

Алматыдағы концерттер, жәрмеңкелер мен мерекелік серуендер

Алматы әкімдігінің мәліметінше, 1 мамырда қалада бірден екі ірі концерт ұйымдастырылады.

"Басты оқиға - 1 мамырда сағат 11:00-де Абай алаңында басталатын "Бірлігі жарасқан Алматы" достық фестивалі болмақ", - деді әкімдіктегілер.

Фестивальде өнер көрсететіндер:

Нұрлан Өнербаев, Зарина Алтынбаева, Маржан Арапбаева; Luina, Парвиз Назаров, Роман Ким, Руми және Янис; "Алатау серілері", "КешYOU", "Baraban'Dashow" топтары; "Дервиши", "IL Canto", "Komuzbeats"; "Бозторғай" фестивалінің солистері; "Салтанат", "Бахар", "Рухсара", "Нам Сон", "Бастау", "Наири" би ансамбльдері.

Сағат 18:00-ден 21:00-ге дейін Абай алаңында мерекені DostykFest концерттік бағдарламасы жалғастырады. Онда мына өнерпаздар шығады деп күтілуде:

Айқын Төлепберген, Qanay, Еркеш Хасен, Ayree; Нұрсұлтан Нұрбердиев, Әсет Арыстанбек, Мәди Рымбаев, Бағдат Сейіт; Hulan-Aru, Dosekesh, Балауса Ерғалина, Жарқынай, Назым Әбілдина; "Alpha", "КешYOU", "Astra" және "Ayafunk" топтары.

Сонымен қатар, 1 мамырда сағат 9:00-ден 22:00-ге дейін Абай алаңында гастрономиялық жәрмеңке өтеді. Оған 15-ке жуық мейрамхана, сондай-ақ, этномәдени бірлестіктердің өкілдері қатысады.

2 мамырда дәл осы алаңда "Отбасы Fest" отбасылық фестивалі ұйымдастырылады. Бағдарлама екі блоктан тұрады:

10:00-18:00 – жылжымайтын мүлік жәрмеңкесі; 19:00-21:00 – отандық эстрада жұлдыздарының қатысуымен өтетін концерт.

Бұдан бөлек, қалада мынадай іс-шаралар өтеді:

10:00, Алмалы ауданының кітапханасы - "Береке басы – бірлік" мерекелік кеші; 11:00, Бегалин атындағы Орталық балалар кітапханасы - "Қазақстан – достық мекені" танымдық-ойын-сауық бағдарламасы; 12:00, Тілендиев мемориалдық мұражайы - "Бірлік әуені – ел жүрегі" концерті; 14:30, Мемлекеттік академиялық қуыршақ театры - ұлттық билер мен әндерді орындайтын қуыршақтардың қатысуымен өтетін "Қуыршақ Думан" қайырымдылық спектаклі.

Сондай-ақ, 1 мамырдағы мерекелік іс-шаралар Алматының барлық ауданын қамтиды:

Алатау ауданы - Оқушылардың инновациялық шығармашылық орталығы: мерекелік концерт. Алмалы ауданы - 11:00, Сайран көлінің шығыс жағалауы: эстрада жұлдыздарының қатысуымен өтетін концерт, қолөнершілер көрмесі, балалар мен ересектерге арналған ойын-сауық аймақтары. Әуезов ауданы - 11:00, Family Park және "Сарыарқа" сквері: концерттік бағдарлама. Бостандық ауданы - 11:00, Тұңғыш Президент саябағы: мерекелік концерт және ұлттық тағамдар жәрмеңкесі. Жетісу ауданы - 10:00, Айнабұлақ шағын ауданы (Мұқтай көшесі): ұлттық киімдер шеруі; Арбат (Айнабұлақ): мерекелік іс-шаралар және ұлттық киімдер көрмесі. Медеу ауданы - 14:00, Абай алаңы: шығармашылық ұжымдардың қатысуымен өтетін концерт. Наурызбай ауданы - 19:00, Шұғыла шағын ауданындағы (347) амфитеатр: "Болған оқиға" көркем фильмінің ашық аспан астындағы көрсетілімі. Түрксіб ауданы - 11:00, Сейфуллин атындағы саябақ: концерт, этномәдени бірлестіктердің көрмелері, мектеп оқушылары арасында баскетболдан 3-ке-3 спорттық жарыстары және мерекелік сауда.

Google News арқылы жаңалықтарымызды қадағалаңыз

Жазылу