1 сыныпқа қабылдау: Ата аналар тұрақты тіркеу талап етілетініне шағымданды

Кейбір ата-аналар осы құжаттарсыз балаларын қабылдаудан бас тартатынын айтады. Әлеуметтік желілерде бұл жағдайды «бюрократиялық квестпен» салыстырып, жеке баспанасы жоқ отбасылардың балалары мектепте орынсыз қалуы мүмкін деген алаңдаушылық туындаған.

Алматы тұрғындарының бірі барлық қажетті құжаттарды дайындап, ең жақын орналасқан екі мектепке барғанын, бірақ екі жерден де тіркеуді талап еткенін айтады. Оның сөзінше, үйі жоқ отбасылар негізгі қабылдау аяқталғанға дейін – тамыз айына дейін күтіп, бос орын қалса ғана мүмкіндік алады.

Тағы бір ата-ана баланы бірінші сыныпқа орналастыру процесі министрлікке жұмысқа тұрумен пара-пар екенін жеткізген. Ол уақытша тіркеу жасағанымен, кейін жаңа шектеулерге тап болып, алдын ала түсінікті ақпарат ала алмағанын жеткізді.

Бірінші сыныпқа құжат қабылдау мерзімі бекітілді

Осындай талаптардың аясында кейбір ата-аналар жекеменшік мектептерді қарастырып немесе жалған тіркеу жасауға тырысып жатыр. Жарнама сайттарында қаланың әртүрлі аудандарында тіркеу рәсімдеуді ұсынатын хабарландырулар да бар екені айтылған.

Алматы қаласы әкімдігінің мәліметінше, мектепке қабылдау ережелері өзгермеген. Негізгі басымдық расымен оқу орнына жақын жерде тұрақты тұратын балаларға беріледі.

Сонымен қатар биыл мектептер жалған тіркеулермен күресті күшейткен. Білім басқармасы хабарлағандай, қазіргі қабылдау науқанында бір мекенжайға туыстық байланысы жоқ 10-11 баланы уақытша тіркеу жағдайлары анықталған.

Кейбір жағдайларда тұрғын үйдің тәуліктік жалға берілетіні және тіркеудің нақты сол мектепке түсу үшін ғана жасалғаны белгілі болған. Білім басқармасы ескерткендей, егер жалған мекенжай көрсетілгені дәлелденсе, баланы мектепке қабылдау заңды негізде жойылуы мүмкін.

Мектеп оқулықтарынан 700-ден астам қате анықталды

Мәжіліс депутаты Ирина Смирнова мұғалімдердің балалардың тұратын жерін өздері тексеруге құқығы жоқ екенін айтқан. Оның пікірінше, бұл іспен учаскелік полиция айналысуы тиіс.

Сонымен қатар халық қалаулысы мектептер тек ресми құжаттарға (жалдау шарты, тіркеу немесе меншік құқығы) сүйенуі керек екенін, бірақ мұғалімдердің үйлерді аралауы заңбұзушылық болып саналатынын атап өтті.

Биыл білім беру жүйесіне түсетін жүктеме тағы да артқан, себебі бірінші сыныпқа туу көрсеткіші жоғары болған жылдары дүниеге келген балалар келіп отыр.

Елордалық мектептер 1-сыныпқа қабылдаудан неге бас тартқанын түсіндірді

Айта кетейік, Астана қаласында 2025-2026 оқу жылында бірінші сыныпқа шамамен 31 мың оқушы қабылданды.