15 жасар қыздың жүктілігіне қатысты тергеу қатаң бақылауда Түркістан облысының Полиция департаменті

— 2025 жылдың қыс айында жас қыз Астана қаласының медициналық мекемесіне жүкті болып қаралып, кейін босанған. Осы факт бойынша қыздың өзі және анасы, оның жас жігітімен өзара келісім бойынша байланыста болғанын айтып, тергеу барысын жаңылыстырғаны анықталды, — делінген хабарламада.

Осылайша олар арыз жазудан және сараптама жүргізуден бас тартқан.

— Алайда 12 қазанда жәбірленушінің анасы күдікті ретінде 70 жастағы туысына қатысты арыз түсіріп, құқық қорғау органдарына жүгінді.  Осы факті бойынша Түркістан облысы ПД Келес аудандық полиция бөлімі шұғыл қылмыстық іс қозғап, кәмелетке толмағандарға қатысты құқыққа қайшы әрекеттер фактісі бойынша сотқа дейінгі тергеуді бастады. Күдікті қамауға алынды, — деп жазды Полиция департаментінің бастығы.

Қазіргі уақытта тергеу жалғасып жатыр.

Мұрат Қабденов тергеу әрекеттерінің барысын қатаң бақылауға алғанын айтты.

Еске сала кетейік, бүгін ҚР Бала құқықтары жөніндегі уәкіл Динара Закиева осы даулы оқиғаға қатысты пікір білдірген болатын.

Артынша Оқу-ағарту министрі Жұлдыз Сүлейменова осы іске қатысты тергеу басталғанын мәлімдеді.