23 тамызда Алматыда қоғамдық көлік қалай жұмыс істейді

Алматы тұрғындары мен қонақтары 23 тамыз - Құрылтай депутаттарының сайлауы өтетін күні қоғамдық көлікте тегін жүре алады, деп хабарлайды Tengrinews.kz.

"Автобустарда, троллейбустарда және метрода жол жүру тегін"

Алматы қалалық жол қозғалысын ұйымдастыру және жолаушылар көлігі басқармасының ақпаратынша, қаланың барлық қоғамдық көлік бағыттарында жол ақысын төлеу талап етілмейді. Автобустарда, троллейбустарда және метрода жол жүру тегін болады.

Бұл шара дауыс беру күні мегаполис тұрғындары мен қонақтарының ыңғайлы жүріп-тұруын қамтамасыз ету үшін қабылданды.

Басқарма 23 тамыз күнгі сапарларды алдын ала жоспарлауды және мүмкіндігінше қоғамдық көлікті пайдалануды ұсынады.

Еске сала кетейік, Құрылтай сайлауы (Қазақстанның бірпалаталы Парламенті) 23 тамызға белгіленген. Сайлауға 7 саяси партия қатысады, олардың тізімінде 546 кандидат бар.

Бірпалаталы Парламентке көшу конституциялық реформаның негізгі бөліктерінің бірі болды. Жаңа Конституция жобасында Құрылтай құрамына 145 депутат кіретіні, ал олардың өкілеттік мерзімі 5 жыл болатыны қарастырылған.

Бұған дейін 23 тамызда Астанада барлық қоғамдық көлікте, соның ішінде LRT арқылы жол жүру де тегін болатыны хабарланды.

Google News арқылы жаңалықтарымызды қадағалаңыз