Венгрия Украинаның Еуроодаққа кіру келіссөздеріне қойылған ветоны алып тастайды БАҚ

АСТАНА, 5 қазан – Sputnik. Венгрия осы аптада Украина мен Молдованың Еуроодаққа кіру келіссөздерінің техникалық кезеңіне вето қоюды алып тастайды деп күтіліп отыр, деп хабарлады Fainancial Times басылымы дереккөздерге сілтеме жасай отырып.

Бұған дейін Венгрияның бұрынғы премьер-министрі Виктор Орбан Еуроодақта дауыс беру кезінде Украинаға қаражат бөлуді және Украинаның одаққа мүшелігі бойынша тікелей келіссөздердің басталуын бұғаттау үшін вето құқығын белсенді түрде пайдаланған.

"Венгрия осы аптада Украина мен Молдова арасындағы Еуроодаққа кіру келіссөздеріндегі одан әрі ілгерілеуге вето қоюды жеңілдететінін мәлімдеді", - деп хабарлады басылым.

Газеттің хабарлауынша, Венгрия премьер-министрі Петер Мадьяр дипломаттарға ішкі нарық пен бәсекеге қабілеттілік саясатына қатысты келесі екі келіссөздер кезеңінің басталуы мүмкін екендігі туралы Украина мен Молдоваға жіберілетін хаттарды бұғаттамауды тапсырған.

Financial Times басылымының хабарлауынша, кластерлерді ашуды саяси тұрғыдан қолдау Жоғарғы Раданың 12 қазанда ұлттық азшылықтарға білім беруді кеңейту туралы заң қабылдауына байланысты болады.