33°С қа дейін аяз: 10 наурызда елдің бірнеше өңірінде ауа райы күрт суытады

Астанада 10 наурызда уақытша қар, боран, тұман күтіледі. Жел солтүстік-батыстан соғады, екпіні 15–20 м/с, күндіз кей жерлерде 23 м/с дейін жетеді.

Ақмола облысында қар, боран, түнде батысында, күндіз оңтүстік-шығысында қалың қар жауады. Батыс, оңтүстік, шығыс аймақтарда тұман күтіледі. Жел батыстан, солтүстік-батыстан соғады; түнде батыста, солтүстікте және оңтүстікте екпіні 15–20 м/с, күндіз 15–20 м/с, кей жерлерде 23–28 м/с дейін барады. 10 наурызда түнде ауа температурасы 15–20°С аязға дейін төмендейді, өңірдің батысы мен солтүстігінде -25…-30°С, 11 наурызда түнде батыс пен солтүстікте -22…-27°С, шығыста -30°С болады.

Жетісу өңірінің батыс, орталық, таулы аудандарында тұман, көктайғақ күтіледі. Жел оңтүстік-батыстан, шығыста, солтүстікте және таулы аймақтарда екпіні 15–20 м/с, Алакөл көлдерінің маңында кей жерлерде 23–28 м/с дейін жетуі ықтимал.

Түркістан облысының оңтүстігі, таулы аймақтарында қатты жауын-шашын (жаңбыр, қар) күтіледі. Батыс, солтүстік, таулы аймақтарда көктайғақ, жаяу бұрқасын болады. Батыс, солтүстік, оңтүстік және таулы аймақтарда тұман түседі. Жел солтүстік-батыстан соғады, батыс, солтүстік, оңтүстік және таулы аймақтарда екпіні 15–20 м/с, кей жерлерде 23–28 м/с дейін барады.

Алматы облысында жел оңтүстік-батыстан, кей жерлерде солтүстік-батысқа ауысады; солтүстік, оңтүстік, шығыс және таулы аймақтарда екпіні 15–20 м/с, кей жерлерде 23–28 м/с жетеді, күндіз оңтүстік және шығыс аймақтарда 30 м/с және одан да жоғары болады. Күндіз оңтүстік және таулы аймақтарда қатты жауын-шашын (жаңбыр, қар) күтіледі. Түнде солтүстік, оңтүстік және таулы аймақтарда, күндіз облыс бойынша көктайғақ болады. Солтүстік, оңтүстік және таулы аймақтарда кей жерлерде тұман түседі.

Павлодар облысында қар, жаяу бұрқасын, күндіз солтүстік аймақтарда қалың қар жауады. Батыс, солтүстік, шығыс аймақтарда тұман түседі. Жел солтүстік-батыстан, түнде батыс, солтүстік және шығыс аймақтарда екпіні 15–20 м/с, күндіз 15–20 м/с, кей жерлерде 23–28 м/с дейін барады. 10 наурызда түнде температура 7–12°С аязға дейін төмендейді, батыс пен солтүстікте -15…-20°С, 11 наурызда түнде -25…-30°С.

Абай облысында жауын-шашын (жаңбыр, қар), көктайғақ болады. Күндіз батыс, солтүстік және орталық аймақтарда боран болады. Солтүстік және оңтүстік аймақтарда тұман түседі. Жел оңтүстік-батыстан соғады, күндіз батыс, солтүстік және орталық аймақтарда екпіні 15–20 м/с дейін жетеді.

Қостанай облысында түнде және таңертең шығысы мен оңтүстігінде қар, боран күтіледі. Батыс, солтүстік, оңтүстік аймақтарда тұман түсуі мүмкін. Жел солтүстік-батыстан соғады, шығыста және оңтүстікте 15–20 м/с, кей жерлерде 23 м/с дейін ұйытқиды.

Қарағанды облысында түнде батыс, оңтүстік, шығыста қар жауады, жаяу бұрқасын, көктайғақ күтіледі; солтүстігінде аздаған қар, жаяу бұрқасын, көктайғақ; күндіз қар, боран, көктайғақ болады. Солтүстік, шығыс, оңтүстік аймақтарда тұман. Жел оңтүстік-батыстан, батыстан соғады, түнде және күндіз екпіні 15–20 м/с, кей жерлерде 23–28 м/с дейін барады.

Ұлытау облысында түнде қар, жаяу бұрқасын, көктайғақ; күндіз солтүстік, шығыс, оңтүстікте қар, боран, көктайғақ болады. Шығыс, оңтүстік, орталық аймақтарда тұман түседі. Жел оңтүстік-батыстан, батыстан соғады, солтүстік, оңтүстік, шығыс аймақтарда 15–28 м/с дейін жетуі мүмкін.

Атырау облысында жел солтүстік-батыстан соғады, кей жерлерде оңтүстік-батысқа ауысады; түнде солтүстік, оңтүстік, шығыс аймақтарда екпіні 15–20 м/с дейін жетеді. 10 наурызда түнде температура 15–20°С аязға дейін төмендейді, батыс пен солтүстікте -23°С дейін жетеді.

Маңғыстау облысында түнде және таңертең солтүстік-шығысында, орталық аймақтарда көктайғақ болып, тұман басады.

Батыс Қазақстан облысында күндіз батыс, солтүстік, шығыста қар жауып, жаяу бұрқасын күтіледі. Жел солтүстік-батыстан соғады, күндіз батыс, солтүстік, оңтүстік аймақтарда екпіні 15–20 м/с дейін барады.

Солтүстік Қазақстан облысында түнде шығыс аймақта қар, жаяу бұрқасын болады; батыс, шығыс аймақтарда тұман түседі. Жел батыстан, солтүстік-батыстан соғады, түнде шығыста екпіні 15–20 м/с, күндіз 15–20 м/с, кей жерлерде 23–28 м/с дейін ұйықтиды. Түнде температура -25…-30°С, батыс пен солтүстікте -33°С болады.

Ақтөбе облысында түнде қар жауып, жаяу бұрқасын болады; оңтүстік, шығыс, орталық аймақтарда қалың қар жауады. Жел солтүстік-батыстан соғады, оңтүстік, шығыс, орталық аймақтарда екпіні 15–20 м/с, кей жерлерде 23 м/с дейін жетеді. 10 наурызда түнде температура -23…-28°С, солтүстікте -31°С дейін төмендейді.

Қызылорда облысында түнде және таңертең солтүстік, шығыс, орталық аймақтарда қар жауып, көктайғақ, боран болады. Жел батыстан 15–20 м/с жылдамдықпен соғады, түнде солтүстікте екпіні 25 м/с дейін жетеді. Түнде температура: солтүстік, батыс аймақтарда -16…-21°С, оңтүстігінде 2°С, 11 наурызда түнде -10…-23°С.

Шығыс Қазақстан облысында жауын-шашын (жаңбыр, қар), көктайғақ болады; күндіз солтүстік аймақтарда боран соғады. Солтүстік, шығыс, оңтүстік аймақтарда тұман түседі. Жел күндіз солтүстік-батыстан 15–20 м/с дейін ұйытқиды.

Жамбыл облысында түнде оңтүстігінде, таулы аудандарда, күндіз таулы аудандарда қатты жауын-шашын (жаңбыр, қар), таулы аймақтарда жаяу бұрқасын болады. Оңтүстікте, таулы аймақтарда тұман, көктайғақ күтіледі.

Бұған дейін 10 наурызда Ақтөбе облысында ауа райына байланысты өңірдегі барлық білім беру ұйымдарында бірінші ауысымның оқушылары қашықтан оқыту форматына көшірілетіні хабарланды.