6 жыл бұрын бас тартқан: Жамбыл облысында ер адам әке мұрасын даулап, сотта жеңілді

АСТАНА, 10 қыркүйек – Sputnik. Ер адам мұрадан бас тартып, бірақ оны даулау үшін 6 жылдан кейін сотқа жүгінді, деп хабарлайды Жамбыл облыстық соты.

Сотқа жүгінген ер адамның әкесі 2020 жылы ақпанда қайтыс болған. Әкесінен тұрғын үй, жер учаскесі және ВАЗ 21093 автокөлігі түріндегі мұра қалған. Талап қоюшы мен оның әпкесі мұрадан ағасының пайдасына бас тартқан. Ағасы оны қабылдап, бірақ әкесінің көзі тірі кезінде мұрагерлік құқығы туралы куәлікті рәсімдеп үлгерместен биыл наурызда қайтыс болған. Бұған дейін мұрагерлік керек болмаған талап қоюшы ойынан айтып сотқа жүгінген.

"Талап қоюшы мұрадан бас тартқан кезде оның салдары туралы түсінбегенін, ал нотариус мүлікті рәсімдеу тәртібін дұрыс түсіндірмегенін айтып сотқа жүгінді. Талап қоюшы сондай-ақ 2010 жылдан бері ата-анасының үйінде тұрып, оны күтіп-ұстап, жөндеу жұмыстарын жүргізіп және абаттандырып келе жатқанын түсіндірді", - дейді сотта.

Мұрагерлік даулаған ер адам сотта нотариаттық іс-әрекет жасау кезінде алдау, мәжбүрлеу немесе адасу туралы ешқандай дәлел келтіре алмаған. Өз шешімін өзгерту мұрадан бас тартуды жоюға негіз бола алмайды, дейді сотта.

"Бұдан бөлек, ағасы қайтыс болғаннан оның жұбайы, кәмелетке толмаған екі баласы және анасы кейін бірінші кезектегі мұрагерлер болып танылады. Талап қоюшы қайтыс болған адамның ағасы ретінде мұрагерліктің екінші кезегіне жатады", - дейді Жамбыл облыстық соты.

Қысқасы, алты жыл уақытты өткізіп алған ер адам сол күйі мұрагер бола алмады. Сот шешімі заңды күшіне енген жоқ.