645 млн долларлық жоба: Қазақстанда жаңа жел электр станциясы бой көтереді

Қарағанды облысындағы 500 МВт қуаттағы жел электр станциясы мемлекетаралық келісім аясында жүзеге асырылып отыр және Қазақстандағы жаңартылатын энергия көздерін дамыту жөніндегі ауқымды бағдарламаның бір бөлігі. 

— Жобаға 645 млн АҚШ доллары көлемінде инвестиция салынады. Станция жыл сайын шамамен 1,6 млрд кВт·сағ «жасыл» электр энергиясын өндіреді деп күтіледі.  Жобаны іске асыру жыл сайын шамамен 1,3 млн тонна көмірқышқыл газының шығарылуын азайтуға мүмкіндік беріп, елеулі экологиялық әсер береді, — делінген хабарламада.

Жоба елдің энергетикалық қауіпсіздігін арттыруға, «жасыл» экономиканы дамытуға және энергетика саласына шетелдік инвестициялар тартуға бағытталған.

Еске сала кетейік, Өңірлік экологиялық саммитте Мемлекет басшысы 2030 жылға қарай электр қуатының 15 пайызын жаңартылатын энергия көздерінен алатынымызды айтты. Еліміз ірі энергетикалық нысандардан ауаға тарайтын зиянды шығарындыларды 35 пайызға азайтуды көздейді.