Абай және Омбы облыстары мәдениет саласындағы келісімге қол қойды

АСТАНА, 12 желтоқсан – Sputnik. Абай облысының делегациясы Ресей Федерациясының Омбы қаласында өтіп жатқан "Ертіс: достық өзені – даму өзені" VII халықаралық туристік-көліктік форумына қатысты.

Абай облысы әкімі баспасөз қызметінің мәліметінше биыл шілде айында Омбы облысы үкіметі төрағасының орынбасары Андрей Шпиленко бастаған делегация Абай облысына арнайы келген болатын. Келіссөздер нәтижесінде Абай облысы әкімдігі мен Омбы облысы үкіметі арасында Ертіс өзенін дамыту және бірлесіп пайдалану жөніндегі хаттамаға, сондай-ақ, 2025–2028 жылдарға арналған халықаралық және сыртқы экономикалық байланыстар жоспарына қол қойылды.

© Photo : Акимат Абайской областиАбай облысының делегациясы "Ертіс: достық өзені – даму өзені" форумына қатысты

Абай облысының делегациясы "Ертіс: достық өзені – даму өзені" форумына қатысты

© Photo : Акимат Абайской области

Құжат отыз бағытты қамтиды. Оның ішінде туризм саласындағы бірлескен жобалар бар.

Омбыдағы форумның пленарлық отырысында сөз сөйлеген аймақ басшысы Абай облысының осы келісімдерді іске асыруға дайын екенін атап өтіп, өңірдің өндірістік, туристік әлеуетін жан жақты таныстырды. Қонақжайлық танытып, жылы қабылдағаны үшін Омбы облысының губернаторы Виталий Хоценкоға алғыс білдірді.

"Біздің өңір Ресейдің шекаралас облыстарымен тығыз байланыс орнатқан. Сауда-экономикалық қатынастар қарқынды дамып, мәдениет пен білім беру салаларындағы ынтымақтастық нығайып келеді. Өңірлеріміздің тарихи мұрасын ескере отырып, трансшекаралық туристік маршруттар құруды және оларды танымал халықаралық бағыттар деңгейінде танылатындай бірлескен бренд аясында ілгерілетуді ұсынамыз", - деді Абай облысының әкімі Берік Уәли.

© Photo : Акимат Абайской областиАбай облысының делегациясы "Ертіс: достық өзені – даму өзені" форумына қатысты

Абай облысының делегациясы "Ертіс: достық өзені – даму өзені" форумына қатысты

© Photo : Акимат Абайской области

Ол сондай-ақ туристік компаниялар үшін Ертіс маңымен ғана шектелмей, облыстың бүкіл аумағын қамтитын ақпараттық турларды ұйымдастыруға дайын екенін атап өтті.

"Кадрларды бірлесе даярлау мен тәжірибе алмасуды жандандыру маңызды. Атап айтқанда, гидтер мен экскурсия жүргізушілерін, мәдени туризм мамандарын даярлау, семинарлар, форумдар мен білім беру бағдарламаларын ұйымдастыру, туристік нысандар мен музей қорларын басқару бойынша ортақ ақпараттық платформалар құру және тәжірибе алмасу жұмыстары жүргізілуге тиіс", - деді әкім.

© Photo : Акимат Абайской областиАбай облысының делегациясы "Ертіс: достық өзені – даму өзені" форумына қатысты

Абай облысының делегациясы "Ертіс: достық өзені – даму өзені" форумына қатысты

© Photo : Акимат Абайской области

Абай облысының сыртқы экономикалық байланыстары жыл сайын кеңеюде. Биылғы үшінші тоқсанның қорытындысы бойынша облыстың Ресей Федерациясымен тауар айналымы 823,4 млн АҚШ долларын құрады. Бұл – өткен жылдың сәйкес кезеңінен екі есе жоғары. Өңірде ресейлік капиталдың қатысуымен жұмыс істейтін 178 кәсіпорын бар. Олар экономиканың дамуына елеулі үлес қосып, жаңа тұрақты жұмыс орындарын ашып отыр.

© Photo : Акимат Абайской областиАбай облысының делегациясы "Ертіс: достық өзені – даму өзені" форумына қатысты

Абай облысының делегациясы "Ертіс: достық өзені – даму өзені" форумына қатысты

© Photo : Акимат Абайской области

Форум соңында облыс әкімі Берік Уәли мен Омбы облысының губернаторы Виталий Хоценко мәдениет саласындағы келісімге қол қойды. Облыс делегациясы Ертіс өзені тақырыбындағы фотокөрмені, Омбы облысының ұйымдарының иммерсивті шоуын, Омбы дизайнерлерінің көрсетілімін және Омбы облысының туристік көрмесін тамашалады.