ӘЧ 2026: Бразилия Гаити қақпасына жауапсыз үш гол соқты

С тобының екінші турындағы матч АҚШ-тың Пенсильвания штатындағы Филадельфия қаласында орналасқан «Линкольн Файненшел Филд» стадионында өткен ойын 3:0 есебімен Бразилия командасының жеңісімен аяқталды. Үш голдың барлығы бірінші таймда соғылды.

Марокко Шотландияны 1:0 есебімен ұтты

Шабуылшы Матеус Кунья дубль авторы атанды Тағы бір голды вингер Винисиус Жуниор бірінші таймның қосымша минутанда кіргізді. Ол бұған қоса нәтижелі паспен де көзге түсті. Сондай-ақ жартылай қорғаушы Лукас Пакета да нәтижелі пас шығарды.

Бразилия құрамасының көшбасшыларының бірі Рафинья бірінші таймда жарақат алып, 40-минутта алаңнан ауыстырылды.

Бразилия құрамасы әлем чемпионаттары тарихында бір матчта кем дегенде үш гол соққан кездесулер санын 41-ге жеткізді. Бұл турнирдің рекорды. Екінші орында Германия құрамасы тұр, олардың еншісінде 36 осындай матч бар.

ӘЧ-2026 аясындағы алғашқы жеңісінен кейін бразилиялықтар төрт ұпай жинап, доп айырмасы бойынша Мароккодан озып, топ көшін бастады. Гаити құрамасы ұпайсыз қалып, турнир кестесінің соңында тұр және плей-оффқа тікелей шығу мүмкіндігінен айырылды. Ал Шотландия үш ұпаймен үшінші орында келеді.

АҚШ құрамасы Австралияны ұтып, D тобында көш бастады

Әлем чемпионатының плей-офф кезеңіне 12 топтың әрқайсысынан үздік екі команда жолдама алады. Сонымен қатар үшінші орын алған құрамалар арасындағы ең үздік сегіз команда да 1/16 финалға шығады.