Африка корпусы Малидегі мемлекеттік төңкерістің алдын алды Ресей қорғаныс министрлігі

АЛМАТЫ, 28 сәуір – Sputnik. "Нурсрат әл-Ислам валь-Муслимин жамағаты" және "Азавадты азат ету майданы" топтары Малиде қарулы мемлекеттік төңкеріс жасауға әрекет жасады, деп хабарлады Ресей қорғаныс министрлігі.

Бір уақытта төрт ірі елді мекен: Мали Республикасының астанасы Бамако қаласы және Севаре, Гао, Кидаль қалаларында шабуыл жасалды.

"Содырлардың саны шамамен 12 мың адам болды, дайындық "Стингер" және "Мистраль" батыс үлгісіндегі портативті зениттік зымыран кешенін қолданған украин және еуропалық жалдамалы нұсқаушылардың қатысуымен жүргізілді", - делінген хабарламада.

Бамако қаласында қарулы топ негізгі нысандарды, ең алдымен президент сарайын басып алуға тырысты. Жарылыс салдарынан қорғаныс министрі қаза тапты.

"Кескілескен шайқас кезінде "Африка корпусы" бөлімшелері қарсыластың жеке құрамы мен техникасына шығын келтіріп, жоспарларынан бас тартуға мәжбүр етті. Cондай-ақ үкімет билігіне нұқсан келтірмей, бейбіт тұрғындардың жаппай қырылуына жол бермеді. Сәйкесінше мемлекеттік төңкеріс жасалмады", - деді әскери ведомство.

Ресейлік "Африка корпусының" әскери қызметшілері қару-жарақтың барлық түрін қолданған. Бірнеше рет жақын жерден шайқасуға тура келген.

Кидал қаласында "Африка корпусының" отряды бір тәуліктен астам уақыт бойы бірнеше рет жоғары NVF тобына қарсы толық қоршауда шайқас жүргізді және негізгі бекет пен сыртқы қорғаныс бекеттеріне 4 жаппай шабуыл жасады.

Жауынгерлік іс-қимыл барысында қарсы тараптың шығындары:

2500-ден астам адамнан тұратын жеке құрам;

автомобиль техникасы-102 бірлік;

"Шахед-мобиль" - 2 бірлік;

Мотоцик - 152 бірлік;

миномет - 7 бірлік.

Ресей Қорғаныс министрлігі қарулы топ өзінің агрессивті ниетінен бас тартпағанын, сондай-ақ қайта топтасуы мүмкінекенін айтады.