Ресей ФҚҚ шенеуніктердің смартфондарынан деректерді ұрлау қылмысының алдын алды

АСТАНА, 4 маусым – Sputnik. Шетелдік барлау қызметтері Ресейдің жоғары лауазымды шенеуніктерінің смартфондарын тыңдау, тыңшылық жасау мақсатында құырлғыларға зиянды бағдарламаларды енгізген, деп хабарлады Федералды қауіпсіздік қызметі.

"Әрекеттер хат алмасуға жасырын қол жеткізу, телефон әңгімелерін тыңдау, құрылғылардың айналасындағы ортаны акустикалық және бейнебақылау, сондай-ақ геолокация мен байланыс деректерін жинау арқылы жүзеге асырылды", - делінген мәлімдемеде.

Бұл бірнеше елді қамтитын көп деңгейлі операция болған, бірақ үкіметтік емес ұйымдардың араласуынсыз іске асырылған. Смартфондардағы ақпарат Fastly және Cloudflare секілді америкалық IT компаниялары әзірлеген бағдарламалық жасақтаманы пайдаланып алынған.

"Батыс барлау агенттіктері мемлекеттік құпияларды білетін адамдардың арасынан ақпарат берушілерді тартудан гөрі ұялы телефондарды жаппай бұзу оңайырақ және арзанырақ болады деп сенген", - деп хабарлады ведомствода.

ФҚҚ бақылау нысанасына алынған адамдар АҚШ пен ЕО санкциялар тізіміне үнемі енгізіліп отырғанын хабарлады.

Тергеу жалғасып жатыр. Компьютерлік ақпаратқа рұқсатсыз қол жеткізу және зиянды бағдарламаларды жасау және тарату баптары бойынша қылмыстық іс қозғалды.