АХАЖ жазбалары жаңа тәртіппен түзетіледі президент заңға қол қойды

АСТАНА, 17 желтоқсан - Sputnik. Қасым-Жомарт Тоқаев әкімшілік әділет туралы заңдарға түзетулерге қол қойды, деп хабарлады Ақорда.

"Мемлекет басшысы "Қазақстан Республикасының кейбір заңнамалық актілеріне әкімшілік әділет, норма шығару және заң көмегін ұйымдастыру мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды", - деп жазылған хабарламада.

Түзетулер кейбір жария-құқықтық дауларды Азаматтық іс жүргізу кодексінен Әкімшілік іс жүргізу кодексіне ауыстыруды көздейді. Оларға заңға тәуелді актілерге шағымдану және азаматтық хал актілерін тіркеу жазбаларын түзету кіреді.

Сонымен қатар, туризм саласындағы лицензиялардың жарамдылығын тоқтата тұру және қайтарып алу негіздері Әкімшілік кодекстен Туризм туралы заңға ауыстырылды.

Түзетулар сонымен қатар әкімшілік рәсімдерді жүргізу мерзімдері мен рәсімдерін нақтылайды және үкіметке мемлекеттік органдар мен ұйымдар арасындағы дауларды шешу құқығын береді.

Заңға енгізілген кейбір түзетулер мемлекеттік органдардың норма шығару қызметін ғылыми тұрғыдан қамтамасыз етуді жақсартуға, сондай-ақ адвокаттар, нотариустар, сот сарапшылары, жеке сот орындаушылары және осы лауазымдарға үміткерлер үшін сертификаттау процесін жеңілдетуге бағытталған.