Пара туралы әңгімелер қылмысқа айналды. Президент жаңа заңға қол қойды

Мемлекет басшысы "Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы" Қазақстан Республикасының заңына қол қойды, - деп хабарлайды Tengrinews.kz Ақордаға сілтеме жасап.

Мемлекет басшысы "Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы" Қазақстан Республикасының заңына қол қойды, - деп хабарлайды Tengrinews.kz Ақордаға сілтеме жасап.

Заңмен мүдделер қақтығысының алдын алу және оны реттеу тетігі енгізіледі, сондай-ақ мұндай қақтығыстың алдын алу және реттеу бойынша шаралар қолданбағаны үшін жауапкершілік бекітіледі. Сонымен қатар құжат мемлекеттік функцияларды орындауға уәкілеттік берілген адамдарға теңестірілген тұлғалар тобын кеңейтеді, жақын туыстардың және басқа да байланысты адамдардың бірлескен қызметіне қатысты шектеулерді күшейтеді, сондай-ақ мемлекеттік органдар мен квазимемлекеттік сектор субъектілеріндегі ішкі сыбайлас жемқорлыққа қарсы бақылау тәртібін жаңғыртады.

Атап айтқанда, мемлекеттік қызметшілерге жақын туыстары туралы мәліметтерді ашу міндеттелетіні хабарланған болатын.

Заңның тағы бір маңызды жаңалығы – пара беру ниетінің өзін қылмыс деп тану. Ауызша немесе жазбаша түрдегі, соның ішінде әлеуметтік желілердегі хабарламалар арқылы ұсыну немесе уәде беру дерегінің өзі де дәлел бола алады.

Google News арқылы жаңалықтарымызды қадағалаңыз